‘પઠાન’ ​વિશે ઘણું કહેવું છે, પરંતુ પચીસ જાન્યુઆરી સુધી રાહ જુઓ : જૉન એબ્રાહમ

તેનું કહેવું છે કે તે ‘પઠાન’ વિશે ઘણુંબધું કહેવા માગે છે પરંતુ પચીસ જાન્યુઆરી સુધી રાહ જોવાનું પણ તે કહે છે. ઍક્શનથી ભરપૂર આ ફિલ્મને યશરાજ ફિલ્મ્સે પ્રોડ્યુસ કરી છે અને સિદ્ધાર્થ આનંદે ડિરેક્ટ કરી છે.

જૉન એબ્રાહમ

જૉન એબ્રાહમ તેની આગામી ‘પઠાન’ને લઈને એક્સાઇટેડ છે. તેનું કહેવું છે કે તે ‘પઠાન’ વિશે ઘણુંબધું કહેવા માગે છે પરંતુ પચીસ જાન્યુઆરી સુધી રાહ જોવાનું પણ તે કહે છે. ઍક્શનથી ભરપૂર આ ફિલ્મને યશરાજ ફિલ્મ્સે પ્રોડ્યુસ કરી છે અને સિદ્ધાર્થ આનંદે ડિરેક્ટ કરી છે. ફિલ્મને લઈને ઇન્સ્ટાસ્ટોરી પર જૉન એબ્રાહમે લખ્યું કે ‘ઇન્ડસ્ટ્રીમાં પસાર કરેલાં મારાં આટલાં વર્ષોમાં આ ક્ષણ મારા માટે ખૂબ સ્પેશ્યલ છે. તમે સૌએ ‘પઠાન’ના ટ્રેલર પર ખૂબ પ્રેમ વરસાવ્યો એ માટે આભાર. એને બનાવવામાં સખત મહેનત કરવામાં આવી છે. આ ભવ્ય ફિલ્મ છે. આદિત્યએ હંમેશાં મને બેસ્ટ રોલ્સ આપ્યા છે. આ ફિલ્મમાં સિદ્ધાર્થ આનંદે જે કમાલ કરી છે સૌને દેખાડવા માટે આતુર છું. હું ‘પઠાન’ વિશે ઘણુંબધું કહેવા માગું છું, પરંતુ આપણે બધાએ પચીસ જાન્યુઆરી સુધી રાહ જોવી જોઈએ. આ મોટા એન્ટરટેઇનર માટે તૈયાર થઈ જાઓ.’