અક્ષય કુમારને ધ અંડરટેકરે આપ્યો રિયલ ફાઇટ માટે ચેલેન્જ,જાણો ખેલાડીનો રસપ્રદ જવાબ

અંડરટેકરના (Undertaker) ઇન્સ્ટાગ્રામ પોસ્ટ પર અક્ષય કુમારે (Akshay Kumar) રસપ્રદ કોમેન્ટ કરી છે. WWEએ કોમેન્ટનો એક ફોટો પોતાના સોશિયલ મીડિયા પર શૅર કર્યો છે.

અક્ષય કુમાર (તસવીર સૌજન્ય મિડ-ડે)

બૉલિવૂડના ખેલાડી અક્ષય કુમાર મોટાભાગે ચર્ચામાં છવાયેલા રહે છે. પણ આ વખતે આ એક્શન હીરો WWEના સ્ટાર અંડરટેકર (Undertaker)ને કારણે ચર્ચામાં છવાયેલા છે. પોતાની એક્શન ફિલ્મ `ખિલાડિયોં કા ખિલાડી`માં અક્ષય કુમારે અંડરટેકરને એક મેચમાં હરાવી દીધો હતો.

જો કે, આ વખતે અક્ષય કુમારે ખૂબ જ રસપ્રદ અંદાજમાં અંડરટેકરની પોસ્ટ પર જવાબ આપ્યો છે. જે ચાહકોને ખૂબ જ પસંદ આવી રહ્યો છે.

અક્ષય કુમારનો રસપ્રદ અંદાજ
તાજેતરમાં જ અંડરટેકરે પોતાના ઇન્સ્ટાગ્રામ પર એક પોસ્ટ શૅર કરી છે. આ પોસ્ટમાં તેમણે લખ્યું છે કે, "હા! મને જણાવ કે તું રિયલ મેચ માટે ક્યારે તૈયાર છે." અંડરટેકરની આ પોસ્ટ પર અક્ષય કુમારે ખૂબ જ રસપ્રદ કોમેન્ટ કરી છે.

અક્ષય કુમારે (Akshay Kumar)લખ્યું કે, "મને મારું ઇન્શ્યોરન્સ ચેક કરવા દો, ભાઇ પછી જણાવું છું." WWEએ આ કોમેન્ટનો એક ફોટો પોતાના સોશિયલ મીડિયા પર શૅર કર્યો છે.

બૉલિવૂડના આ ખાલેડીનો અંદાજ ચાહકોને ખૂબ જ પસંદ આવી રહ્યો છે અને ચાહકો આ પોસ્ટ પર ખૂબ જ કોમેન્ટ્સ કરી રહ્યા છે.

જણાવવાનું કે ફિલ્મમાં અક્ષય (Akshay Kumar)કુમાર જેની સાથે મેચ રમ્યો હતો તે અંડરટેકર (Undertaker)નહીં, પણ ફિલ્મમાં ધ અંડરટેકરનું પાત્ર બ્રાયન લીએ ભજવ્યું હતું. અક્ષય કુમારે ટ્વિટર પર આ વાતનો ખુલાસો કર્યો હતો. તેમણે લખ્યું હતું કે, "ખિલાડીયોં કા ખિલાડી રિલીઝ થયાને કાલે 25 વર્ષ પૂરા થઈ જશે. આ અવસરે એક રસપ્રદ તથ્ય એ પણ છે કે રેસલર બ્રાયન લી હતા, જેમણે ફિલ્મમાં અંડરટેકરની ભૂમિકા ભજવી હતી."