વરુણ-‌સમન્થાની સિરીઝ સિટાડેલ હની બની સાથે છે પ્રિયંકાનું કનેક્શન

પ્રિયંકાનું કહેવું છે. ‘સિટાડેલ હની બની’ને રાજ અને ડીકેએ ડિરેક્ટ કરી છે.

સિટાડેલ હની બની, પ્રિયંકા ચોપડા જોનસ

વરુણ ધવન અને સમન્થા રૂથ પ્રભુની આગામી સિરીઝ ‘સિટાડેલ હની બની’નું ટીઝર હાલમાં રિલીઝ થયું છે. ગયા વર્ષે રિલીઝ થયેલી હૉલીવુડની સિરીઝ ‘સિટાડેલ’ની આ ઇન્ડિયન આવૃ‌િત્ત છે અને એમાં પ્રિયંકા ચોપડા જોનસ લીડ રોલમાં હતી. એ શોમાં નાદિયાના રોલમાં પ્રિયંકા જોવા મળી હતી. વરુણની ‘સિટાડેલ’ સાથે તેનું પણ સ્પેશ્યલ કનેક્શન છે એવું પ્રિયંકાનું કહેવું છે. ‘સિટાડેલ હની બની’ને રાજ અને ડીકેએ ડિરેક્ટ કરી છે. આ બન્નેએ અગાઉ વેબ-સિરીઝ ‘ધ ફૅમિલી મૅન’, ‘ફર્ઝી’ અને ‘ગન્સ ઍન્ડ ગુલાબ્સ’ બનાવી હતી. ઍક્શન-થ્રિલર ‘સિટાડેલ હની બની’ ૭ નવેમ્બરે ઍમૅઝૉન પ્રાઇમ વિડિયો પર રિલીઝ થશે. આ શોમાં કેકે મેનન, સિકંદર ખેર અને સાકિબ સલીમ પણ જોવા મળશે. સિરીઝનું ટીઝર ઇન્સ્ટાસ્ટોરી પર શૅર કરીને પ્રિયંકાએ કૅપ્શન આપી, ‘રાજ અને ડીકે ફુલ ફૉર્મમાં છે. તમે જ્યારે આ સિરીઝ જોશો ત્યારે તમને નાદિયાનું કનેક્શન જોવા મળશે. તમારે એને શોધવું પડશે.’