તમારાં પ્રેમ અને પ્રશંસા માટે ખૂબ આભાર : રણવીર સિંહ

ઇન્ડસ્ટ્રીમાં બાર વર્ષ પૂરાં કરવા નિમિત્તે તેણે આવું કહ્યું

રણવીર સિંહ

રણવીર સિંહને બૉલીવુડમાં બાર વર્ષ પસાર થઈ ગયાં છે. તેણે પહેલી ફિલ્મ ‘બૅન્ડ બાજા બારાત’માં કામ કર્યું હતું. ત્યાર બાદ તેણે ‘ગોલિયોં કી રાસલીલા : રામલીલા’, ‘બાજીરાવ મસ્તાની’ અને ‘પદ્માવત’ જેવી અનેક ફિલ્મોમાં કામ કર્યું હતું. રણવીર તેની અનોખી ફૅશન સેન્સ, જોશ અને વિનમ્રતાને કારણે લોકોનાં દિલો પર રાજ કરે છે. રોહિત શેટ્ટીની ‘સર્કસ’ ૨૩ ડિસેમ્બરે રિલીઝ થવાની છે. આ ફિલ્મના પ્રમોશન વખતે મીડિયા ફોટોગ્રાફર્સ તેના માટે કેક લઈને પહોંચી ગયા અને તેને સરપ્રાઇઝ આપી હતી. કેક-કટિંગ કરતી વખતે રણવીરે કહ્યું કે ‘૧૨ વર્ષ પસાર થઈ ગયાં. તમારા પ્રેમ અને મોહબ્બત માટે ખૂબ આભાર. થૅન્ક યુ, લવ યુ.’