વરુણની ફિલ્મને સાઉથની સ્ટાર શ્રીલીલાએ ઠુકરાવી?

આ ફિલ્મને ડેવિડ ધવન ડિરેક્ટ કરશે અને રમેશ તૌરાણી પ્રોડ્યુસ કરશે

શ્રીલીલા

વરુણ ધવનની કૉમેડી ફિલ્મ માટે સાઉથની સ્ટાર શ્રીલીલાએ ના પાડી દીધી હોવાની અફવા ચાલી રહી છે. આ ફિલ્મને ડેવિડ ધવન ડિરેક્ટ કરશે અને રમેશ તૌરાણી પ્રોડ્યુસ કરશે. આ ફિલ્મ માટે શ્રીલીલાએ ના પાડી હોવાની ચર્ચા ચાલતાં રમેશ તૌરાણીએ સ્ટેટમેન્ટમાં કહ્યું હતું કે ‘અમે અત્યાર સુધી કોઈ પણ હિરોઇનનો સંપર્ક નથી કર્યો. અમે હજી પણ ફિલ્મની કાસ્ટને પસંદ કરવાની પ્રોસેસમાં છીએ. આ ફિલ્મનું પહેલું શેડ્યુલ હાલમાં જ પૂરું થયું છે. આ ફિલ્મની હિરોઇન માટે અમે કોઈને ફાઇનલ કરીશું ત્યારે એની જાહેરાત કરીશું. ત્યાં સુધી દર્શકો અફવાઓ પર ધ્યાન ન આપે એવી અમે વિનંતી કરીએ છીએ.’