`ભોલા`માંથી તબુનો જોરદાર પોલીસ લૂક વાયરલ, અજયે કહ્યું, `એક ખાકી- સો શૈતાન`

ફિલ્મ `ભોલા`ના તબુના લૂકનું પોસ્ટર રિલીઝ કરવામાં આવ્યું છે, જેમાં તબુ આંખો પર ગોગલ્સ અને હાથમાં બંદૂક સાથે ખૂબ જ ઇન્ટેન્સ લૂકમાં જોવા મળી રહી છે.

ભોલા ફિલ્મમાંથી તબુનો લૂક

ફિલ્મ `દ્રશ્યમ 2` (Drishyam 2)થી લોકોનું મનોરંજન કર્યા બાદ અજય દેવગન (Ajay Devgn)આગામી ફિલ્મ `ભોલા` (Bholaa) લઈને આવી ગયા છે. આ ફિલ્મનું ટીઝર 22 નવેમ્બરે રિલીઝ થયું હતું. હાથમાં શ્રીમદ ભાગવત ગીતા અને કપાળ પર રાખ લગાવતા જોવા મળતા અજય દેવગનનો આ લુક ચાહકો માટે આશ્ચર્યજનક હતો. હવે તાજેતરમાં જ ફિલ્મ `ભોલા`માંથી તબુનો બોલ્ડ ફર્સ્ટ લૂક રિલીઝ કરવામાં આવ્યો છે.

ફિલ્મ `ભોલા`ના તબુના લૂકનું પોસ્ટર રિલીઝ કરવામાં આવ્યું છે, જેમાં તબુ આંખો પર ગોગલ્સ અને હાથમાં બંદૂક સાથે ખૂબ જ ઇન્ટેન્સ લૂકમાં જોવા મળી રહી છે. તબુનું પોસ્ટર શેર કરતા અજયે લખ્યું, `એક ખાકી-સૌ શૈતાન`. અજયનું પોસ્ટર રિલીઝ થયા બાદ જ આ પોસ્ટર સોશિયલ મીડિયાના ટ્રેન્ડિંગ લિસ્ટનો એક ભાગ બની ગયું છે, એટલે કે `દ્રશ્યમ` પછી અજય અને તબ્બુ ફરી એકવાર સાથે કામ કરતા જોવા મળશે.

આ પણ વાંચો: અજય દેવગનના ભત્રીજાને લૉન્ચ કરશે અભિષેક કપૂર

આ પહેલા `ભોલા` ફિલ્મમાંથી અજય દેવગણનું પોસ્ટર રિલીઝ થઈ ચુક્યું છે, જેને શેર કરતાં અજય દેવગને કેપ્શનમાં લખ્યું હતું કે `આ કળયુગમાં આવી રહ્યો છે ભોલા.` ફિલ્મ દ્રશ્યમ બાદ આ મોશન પોસ્ટરમાં તબુ એક પોલીસ અધિકારીના રૂપમાં જોવા મળી રહી છે. આ પોસ્ટરમાં ફેન્સ તબુના લૂકની ખુબ જ પ્રશંસા કરી રહ્યાં છે. તબુનો લૂક સોશિયલ મીડિયામાં ધૂમ મચાવી રહ્યો છે. 

ફિલ્મ `ભોલા` એક સસ્પેન્સ થ્રિલર ફિલ્મ છે, જેમાં અજય દેવગન એક્શન કરતો જોવા મળશે. આ ફિલ્મના નિર્દેશક અને નિર્માતા અજય દેવગન છે. આ ફિલ્મનું ટીઝર થોડા દિવસો પહેલા જ રીલિઝ થયું હતું. હવે ફિલ્મના કેટલાક વધુ મોશન પોસ્ટર સામે આવ્યા છે, જેમાં અજય દેવગન બાદ તબુનો પોલીસ ઓફિસર લુક જોવા મળી રહ્યો છે. આ ફિલ્મ 30 માર્ચ 2023ના રોજ સિનેમાઘરોમાં આવશે.