ઍક્શન કા ‘બાપ’

આ નામ સની દેઓલ, સંજય દત્ત અને જૅકી શ્રોફની ઍક્શન ફિલ્મનું રાખવામાં આવ્યું હોવાની ચર્ચા

સની દેઓલ, સંજય દત્ત, જૅકી શ્રોફ

સની દેઓલ, સંજય દત્ત, મિથુન ચક્રવર્તી અને જૅકી શ્રોફની ઍક્શન ફિલ્મનું નામ ‘બાપ’ રાખવામાં આવ્યું હોવાની ચર્ચા છે. આ ​તમામ ઍક્શન ફિલ્મોની બાપ હશે એવી ચર્ચા છે. આ ફિલ્મને ઝી સ્ટુડિયો અને અહમદ ખાન દ્વારા પ્રોડ્યુસ કરવામાં આવી રહી છે, જેને વિવેક ચૌહાણ દ્વારા ડિરેક્ટ કરવામાં આવશે. ૧૯૮૦ના દાયકાના ઍક્શન લેજન્ડ્સ સની દેઓલ, સંજય દત્ત, જૅકી શ્રોફ અને મિથુન ચક્રવર્તીને એકસાથે લાવી ઍક્શનને એક અલગ લેવલ પર લઈ જવાની વાત છે. આ ફિલ્મનું શૂટિંગ ૧૪ જૂનથી મુંબઈમાં શરૂ થશે અને એ આવતા વર્ષે હૉલિડે દરમ્યાન રિલીઝ કરવાનું આયોજન છે. આ તમામ ઍક્ટર્સની તારીખ મેળવવા માટે અહમદ ખાનને ખૂબ મુશ્કેલી પડી રહી હતી. જોકે આખરે તેને એ મળી ગઈ છે.