ડ્રોન દ્વારા શાહરુખના સિગ્નેચર સ્ટેપથી ઝગમગી ઊઠ્યું દુબઈ

શાહરુખ ખાનની ‘ડંકી’ આજે રિલીઝ થઈ રહી છે. એ પહેલાં એના પ્રમોશન માટે શાહરુખ ખાન દુબઈ પહોંચ્યો હતો. આ ફિલ્મનું ટ્રેલર બુર્જ ખલીફા પર દેખાડવામાં આવ્યું હતું.

પ્રતીકાત્મક તસવીર

શાહરુખ ખાનની ‘ડંકી’ આજે રિલીઝ થઈ રહી છે. એ પહેલાં એના પ્રમોશન માટે શાહરુખ ખાન દુબઈ પહોંચ્યો હતો. આ ફિલ્મનું ટ્રેલર બુર્જ ખલીફા પર દેખાડવામાં આવ્યું હતું. દુબઈના આકાશમાં શાહરુખ છવાઈ ગયો હતો. શાહરુખના માનમાં કેટલાંય ડ્રોન્સ દ્વારા શાહરુખનું નામ લખવામાં આવ્યું સાથે જ તેનું સિગ્નેચર સ્ટેપ દેખાડ્યું અને પ્લેન દ્વારા ‘ડંકી’નું નામ હવામાં લહેરાતું દેખાયું હતું. એ દરમ્યાન હાજર શાહરુખે આ ફિલ્મના ‘લુટ પુટ ગયા’ અને ‘ઓ માહી’ પર ડાન્સ કર્યો હતો. એ ઇવેન્ટના અનેક ફોટો અને વિડિયો સોશ્યલ મીડિયામાં વાઇરલ થયા છે. એ ઇવેન્ટમાં શાહરુખની સાથે રાજકુમાર હીરાણી અને રાઇટર અભિજાત જોશી પણ હાજર હતા.