શાહરુખના સપોર્ટમાં આવ્યો પૃથ્વીરાજ સુકુમારન

પઠાન’ પચીસ જાન્યુઆરીએ હિન્દી, તામિલ અને તેલુગુમાં રિલીઝ થવાની છે

પૃથ્વીરાજ સુકુમારન

શાહરુખ ખાનની ‘પઠાન’ને લઈને દેશમાં જે વિરોધ ચાલી રહ્યો છે એને જોતાં મલયાલમ ફિલ્મોના ઍક્ટર-ડિરેક્ટર પૃથ્વીરાજ સુકુમારને ફિલ્મનો સપોર્ટ કર્યો છે. તેનું માનવું છે કે કળાને આ પ્રકારે વિરોધનો સામનો કરવા પડી રહ્યો છે એ ખૂબ દુ:ખની વાત કહેવાય. ‘પઠાન’ પચીસ જાન્યુઆરીએ હિન્દી, તામિલ અને તેલુગુમાં રિલીઝ થવાની છે. ફિલ્મને લઈને ચાલી રહેલા વિરોધ વિશે પૃથ્વીરાજે કહ્યું કે ‘આ ખૂબ જ દુ:ખની બાબત કહેવાય કે કળા અને કલાકારોનો આ રીતે વિરોધ કરવામાં આવે છે. થોડા સમય પહેલાં જ અમે એ વિશે ચર્ચા કરી રહ્યા હતા. હિન્દી સિનેમા આને કેવી રીતે જાહેર કરે છે?  તેઓ કઈ રીતે વિશાળ ઓવરસીઝ માર્કેટમાં જઈ શકે છે? આ ખૂબ જૂની વાત છે. આ એક તબક્કો છે. એક મોટી હિટ આવવાની છે. કદાચ એ ‘પઠાન’ હશે.’