07 April, 2023 04:07 PM IST | Mumbai | Gujarati Mid-day Correspondent
સિદ્ધાર્થ આનંદ
સિદ્ધાર્થ આનંદ હવે સલમાન ખાન અને શાહરુખ ખાનને ફરી ડિરેક્ટ કરતો જોવા મળશે. શાહરુખની ‘પઠાન’માં સલમાન તેના ટાઇગરના પાત્રમાં જોવા મળ્યો હતો. લોકોએ આ ફિલ્મને ખૂબ જ પસંદ કરી છે. આથી આદિત્ય ચોપડા હવે એના કરતાં પણ વધુ મહત્ત્વની ફિલ્મની જવાબદારી તેને સોંપી રહ્યા છે. ‘ટાઇગર વર્સસ પઠાન’માં સલમાન ખાન અને શાહરુખ ખાન બન્ને સામસામે જોવા મળશે. તેઓ ‘કરણ અર્જુન’ બાદ પહેલી વાર ફુલફ્લેજ રોલમાં જોવા મળી રહ્યા છે. આ ફિલ્મનું બજેટ પણ ખૂબ જ મોટું રાખવામાં આવ્યું છે. સિદ્ધાર્થે ‘વૉર’ને ડિરેક્ટ કરી હતી અને ત્યાર બાદ ‘પઠાન’ને ડિરેક્ટ કરી હતી. સ્પાય યુનિવર્સમાં તેણે બે ફિલ્મ ડિરેક્ટ કરી છે અને હવે તે ત્રીજી ફિલ્મ ડિરેક્ટ કરવા જઈ રહ્યો છે. ‘વૉર 2’ને તે ડિરેક્ટ કરશે એવી આશા હતી, પરંતુ એને આયાન મુખરજી ડિરેક્ટ કરી રહ્યો છે. જોકે સિદ્ધાર્થને તેના કરતાં પણ મોટી ફિલ્મની જવાબદારી આપવામાં આવી છે.