24 January, 2024 11:27 AM IST | Mumbai | Gujarati Mid-day Correspondent
સિદ્ધાર્થ મલ્હોત્રા
સિદ્ધાર્થ મલ્હોત્રાનું કહેવું છે કે તેના ગ્રૅન્ડ ફાધર આર્મીમાં હતા અને એથી તેને યુનિફૉર્મમાં લોકોને જોવાનું પસંદ છે. તે ‘શેરશાહ’, ‘મિશન મજનૂ’ અને ‘ઇન્ડિયન પોલીસ ફોર્સ’માં યુનિફૉર્મમાં જોવા મળ્યો હતો. યુનિફૉર્મ વિશે તેના વિચાર રજૂ કરવાનું પૂછવામાં આવતાં સિદ્ધાર્થે કહ્યું કે ‘મારા ગ્રૅન્ડ ફાધર આર્મીમાં હોવાથી મને અંગત રીતે લોકોને યુનિફૉર્મમાં જોવાનું પસંદ છે. મેં પહેલાં આર્મીનો યુનિફૉર્મ પહેર્યો હતો અને હવે પોલીસનો યુનિફૉર્મ પહેર્યો છે. હું તેમની પર્સનાલિટીને ખૂબ જ એન્જૉય કરું છું.’