છેક ત્રણ વર્ષ પછી દિવાળી સ્પેશ્યલ બની શર્વરી માટે

શર્વરી

આ વખતની દિવાળી શર્વરી માટે ખાસ હતી અને આ સ્પેશ્યલ ઉત્સવને તેણે પરિવાર સાથે ઊજવીને વધુ ખાસ બનાવ્યો. શર્વરીની સરનેમ વાઘ છે, પણ તે હવે માત્ર પોતાના નામથી જ ઓળખાવા માગે છે. આ વર્ષે શર્વરીની ફિલ્મ ‘મુંજ્યા’ હિટ ગઈ તથા બીજી બે ફિલ્મો ‘મહારાજ’ અને ‘વેદા’માં તેનું કામ ખૂબ વખણાયું એટલે તે સાતમા આસમાનમાં છે. તે કહે છે, ‘છેલ્લાં ત્રણ વર્ષ એક ઍક્ટર તરીકે મારા માટે કસોટીભર્યાં હતાં એટલે હું દિલથી દિવાળી નહોતી ઊજવી શકતી. મને ખુશી છે કે ૨૦૨૪માં મારી તમામ મહેનત લેખે લાગી છે.’

શર્વરી માટે પરિવાર સાથે દિવાળી ઊજવવાનું ખૂબ મહત્ત્વનું છે અને તેણે એવું જ કર્યું. તે કહે છે, ‘મારો ભાઈ સ્કૂલમાં છે એટલે દિવાળીમાં તેને વેકેશન હોય છે, મારી સિસ્ટર દિવાળી વખતે ઑફિસમાંથી રજા લે છે. તમારો પરિવાર સાથે હોય, લંચ પછી તમે વાતો કરવા બેસી શકો તથા આજે કઈ મીઠાઈ ખાઈશું એની ચર્ચા કરી શકો એ મારા માટે કોઈ પણ ઉજવણીની શ્રેષ્ઠ બાબત છે.’

વિકી કૌશલના ભાઈની ગર્લફ્રેન્ડ છે શર્વરી?

તાપસી પન્નુ સાથે આ વર્ષે ‘ફિર આયી હસીન દિલરુબા’માં જોવા મળેલા સની કૌશલ સાથે શર્વરીનું અફેર છે એવી અફવા ઘણા સમયથી પ્રસરતી રહે છે, પણ બન્નેએ આ વાતનો ક્યારેય એકરાર નથી કર્યો. સની ૩૫ વર્ષનો છે અને વિકી કૌશલનો નાનો ભાઈ છે. શર્વરી ૨૭ વર્ષની છે.