‘કભી હાં કભી ના’ના ડિરેક્ટરને ખૂબ યાદ કરે છે શાહરુખ

શાહરુખ ખાન તેની ફિલ્મ ‘કભી હાં કભી ના’ના ડિરેક્ટર કુંદન શાહને ખૂબ યાદ કરે છે.

શાહરુખ ખાન

શાહરુખ ખાન તેની ફિલ્મ ‘કભી હાં કભી ના’ના ડિરેક્ટર કુંદન શાહને ખૂબ યાદ કરે છે. ૧૯૯૪માં રિલીઝ થયેલી આ ફિલ્મને ૨૯ વર્ષ પસાર થયાં છે. આ ફિલ્મમાં તેની સાથે સુચિત્રા કૃષ્ણામૂર્તિ, દીપક તિજોરી, સતીશ શાહ અને નસીરુદ્દીન શાહ પણ જોવા મળ્યાં હતાં. ફિલ્મને કુંદન શાહે ડિરેક્ટ કરી હતી. ફિલ્મના એક સીનનો પોતાનો ફોટો ઇન્સ્ટાગ્રામ પર શૅર કરીને શાહરુખ ખાને કૅપ્શન આપી હતી, ‘એ સ્ટેજ પર, એ ઉંમરે, શરૂઆતના દિવસોમાં અનિયંત્રિત, જેનો ક્રાફ્ટ હજી સાબિત નહોતો થયો. મારી આસપાસ ભારતની બેસ્ટ કાસ્ટ અને ક્રૂ હતી અને એના ડિરેક્ટરને તો હું દરરોજ યાદ કરું છું. તેમણે મને શીખવ્યું હતું કે એ ક્ષણને ભલે તમે હારી જાઓ, પરંતુ બીજી અન્ય બાબતોને તમે જીતી જાઓ છો. મને વિશ્વાસ છે કે દુનિયામાં ક્યાંક સુનીલે પણ કાંઈક તો કર્યું છે.’