‘જવાન’ માટે કોરિયોગ્રાફર બન્યો શાહરુખ?

શાહરુખ ખાને તેની ‘જવાન’ માટે કોરિયોગ્રાફી કરી હતી એવી ચર્ચા ચાલી રહી છે. ‘જવાન’ના પ્રિવ્યુમાં છેલ્લે ‘બેકરાર કરકે’ ગીતનો સમાવેશ કરવામાં આવ્યો છે.

જવાનમાં શાહરુખ ખાનનો લૂક

શાહરુખ ખાને તેની ‘જવાન’ માટે કોરિયોગ્રાફી કરી હતી એવી ચર્ચા ચાલી રહી છે. ‘જવાન’ના પ્રિવ્યુમાં છેલ્લે ‘બેકરાર કરકે’ ગીતનો સમાવેશ કરવામાં આવ્યો છે. આ ગીતમાં શાહરુખે જે ગીત પર ડાન્સ કર્યો છે એ ખૂબ જ વાઇરલ થયો છે. શાહરુખે જે રેટ્રો ગીત પર ડાન્સ કર્યો છે એ ડાન્સને ઘણાં ગીત સાથે જોડીને વાઇરલ કરવામાં આવી રહ્યો છે. આ ડાન્સમાં શાહરુખ બૉલ્ડ લુકમાં જોવા મળી રહ્યો છે. જોકે હવે એવું જાણવા મળી રહ્યું છે કે આ ગીતને પસંદ કરવાનો આ​ઇડિયા શાહરુખનો હતો. તેમ જ આ સૉન્ગ પર તેણે જે ડાન્સ કર્યો છે એ સ્ટેપ પણ શાહરુખ ખાને કોરિયોગ્રાફ કર્યું હોવાનું કહેવામાં આવી રહ્યું છે. જોકે આ વિશે શાહરુખ ખાન દ્વારા કે પછી ડિરેક્ટર ઍટલી દ્વારા કોઈ કમેન્ટ કરવામાં નથી આવી, પરંતુ ચર્ચા એવી જ છે કે શાહરુખનો આ​ઇડિયા હોવાથી બધી જવાબદારી તેણે પોતે ઉઠાવી હતી. ઍટલીને તેનો આઇડિયા ગમ્યો હોવાથી તેણે શાહરુખને પૂરેપૂરી સ્વતંત્રતા આપી હોવાની ચર્ચા છે.