આર્યનને પહેલા પ્રોજેક્ટ માટે શુભેચ્છા આપી શાહરુખે

આર્યનની મમ્મી ગૌરી ખાને કમેન્ટ કરી કે જોવા માટે ઉત્સુક છું

આર્યનને પહેલા પ્રોજેક્ટ માટે શુભેચ્છા આપી શાહરુખે

આર્યન ખાનને તેના પહેલા પ્રોજેક્ટ માટે ડૅડી શાહરુખ ખાને શુભેચ્છા આપી છે. આર્યન એક ઍક્ટર તરીકે નહીં, પરંતુ એક ડિરેક્ટર તરીકે કરીઅરની શરૂઆત કરી રહ્યો છે. શાહરુખની રેડ ચિલીઝ ​​એન્ટરટેઇનમેન્ટ હેઠળ આર્યને તેના આગામી પ્રોજેક્ટ વેબ-સિરીઝનું રાઇટિંગનું કામ પૂરું કરી લીધું છે. ક્લૅપ બોર્ડ અને સ્ક્રિપ્ટનો ફોટો ઇન્સ્ટાગ્રામ પર શૅર કરીને આર્યને કૅપ્શન આપી હતી, ‘રાઇટિંગ પૂરું કરી લીધું છે. હવે ઍક્શન કહેવા માટે આતુર છું.’

આર્યનને શુભેચ્છા આપતાં શાહરુખે કમેન્ટ કરી કે ‘સરસ. વિચારવાનું, વિશ્વાસ કરવાનું અને સપનું જોવાનું પૂરું થયું; હવે સાહસ કરવાનો સમય છે. તારા પહેલા પ્રોજેક્ટ માટે શુભકામના. એ હંમેશાં સ્પેશ્યલ રહેશે.’ આર્યનની મમ્મી ગૌરી ખાને કમેન્ટ કરી કે જોવા માટે ઉત્સુક છું.