13 September, 2022 05:50 PM IST | Mumbai | Gujarati Mid-day Correspondent
સંજય દત્ત
લોકેશ કનગરાજની ફિલ્મ માટે સંજય દત્તે ૧૦ કરોડ રૂપિયા ચાર્જ કર્યા હોવાની ચર્ચા છે. આ ફિલ્મમાં તે વિલનના રોલમાં દેખાવાનો છે. આ અગાઉ તે ‘KGF : ચૅપ્ટર 2’માં પણ નેગેટિવ રોલમાં દેખાયો હતો. હવે ફરી એક વખત તે ખૂંખાર અવતારમાં દેખાવાનો છે. આ ફિલ્મમાં થલપતિ વિજય અને પૃથ્વીરાજ પણ દેખાવાના છે. આ ફિલ્મમાં પાવરફુલ વિલન્સ દેખાવાના છે. એમાં એક નામ સંજય દત્તનું પણ સામેલ છે. એવું કહેવાય છે કે સંજય દત્તની હાજરી આ
ફિલ્મમાં ડરનો ઉમેરો કરશે. જોકે હજી પેપરવર્ક બાકી છે. ફિલ્મનું ટાઇટલ હજી સુધી નક્કી નથી કરવામાં આવ્યું. આ પૅન-ઇન્ડિયન ફિલ્મ રહેશે.