‘ધ વર્જિન ટ્રી’ને દીપક મુકુટ સાથે મળીને પ્રોડ્યુસ કરશે સંજય દત્ત

આ ફિલ્મને તે પ્રોડ્યુસર દીપક મુકુટ સાથે મળીને પ્રોડ્યુસ કરી રહ્યો છે

ધ વર્જિન ટ્રી

સંજય દત્ત તેના પ્રોડક્શન હાઉસ થ્રી ડાઇમેન્શન મોશન પિક્ચર્સ પ્રાઇવેટ લિમિટેડ દ્વારા હવે ‘ધ વર્જિન ટ્રી’ને પ્રોડ્યુસ કરવા જઈ રહ્યો છે. આ ફિલ્મને તે પ્રોડ્યુસર દીપક મુકુટ સાથે મળીને પ્રોડ્યુસ કરી રહ્યો છે. આ એક હૉરર-કૉમેડી ફિલ્મ છે જેમાં સની સિંહ, મૌની રૉય, પલક તિવારી, આસિફ ખાનની સાથે યુટ્યુબર બીયુનિક પણ આ ફિલ્મ દ્વારા ડેબ્યુ કરી રહ્યો છે. આ ફિલ્મને વાનુક્ષ અરોરા અને સિદ્ધાંત સચદેવ દ્વારા લખવામાં આવે છે અને એને સિધાંત સચદેવ ડિરેક્ટ કરી રહ્યો છે. આ ફિલ્મ વિશે વાત કરતાં સંજય દત્તે કહ્યું કે ‘હું જે સ્ક્રિપ્ટની રાહ જોઈ રહ્યો હતો એ ફિલ્મને પ્રોડ્યુસ કરી રહ્યો હોવાની મને ખુશી છે. આ ફિલ્મમાં હૉરર અને કૉમેડીનો સરખો સમન્વય છે. એમાં થ્રિલ્સ પણ એટલી જ જોવા મળશે. મારા વિઝન સાથે દીપક મુકુટનું પણ વિઝન મળતું આવ્યું એની મને ખુશી છે. હું આ ઇન્ડસ્ટ્રીની યુવાન ટૅલન્ટને હંમેશાં પ્રોત્સાહિત કરવા માગતો હતો. આથી અમે આ ફિલ્મ દ્વારા એક નવા ડિરેક્ટરને લૉન્ચ કરી રહ્યા છીએ. તેણે ખૂબ જ સારી કાસ્ટને પસંદ કરી છે અને એ દરેકને હું શુભેચ્છા પાઠવું છું.’