‘ચાર્મ અને ગ્લો’ વિશે શું કહ્યું સમન્થાએ?

ઘણા લોકોએ વિચાર્યું કે તે આખરે તેના ડિવૉર્સમાંથી બહાર આવી ગઈ છે અને તેની પ્રોફેશનલ લાઇફ નવી ઊંચાઈએ પહોંચી રહી છે

સમન્થા રૂથ પ્રભુ

સમન્થા રૂથ પ્રભુએ હાલમાં જ તેના ચહેરા પરથી જે ‘ચાર્મ અને ગ્લો’ જતો રહ્યો છે એ વિશે વાત કરી છે. તે તેની આગામી ફિલ્મ ‘શાકુંતલમ’ની ઇવેન્ટમાં હાજર હતી. આ ઇવેન્ટનો તેનો ફોટો લઈને એક યુઝરે ટ્વીટ કર્યું હતું કે ‘​સમન્થા માટે દુઃખ થઈ રહ્યું છે. તેના ચાર્મ અને ગ્લો જતા રહ્યા છે. ઘણા લોકોએ વિચાર્યું કે તે આખરે તેના ડિવૉર્સમાંથી બહાર આવી ગઈ છે અને તેની પ્રોફેશનલ લાઇફ નવી ઊંચાઈએ પહોંચી રહી છે. ત્યારે તેને માયોસાઇટિસનું નિદાન થયું હતું. એનાથી તે ફરી વીક થઈ ગઈ છે.’

આ ટ્વીટનો જવાબ આપતાં સમન્થાએ ટ્વીટ કર્યું હતું કે ‘ભગવાનને હું પ્રાર્થના કરું છું કે મેં જે રીતે મહિનાઓ સુધી ટ્રીટમેન્ટ લીધી અને દવાઓ લીધી એમાંથી કોઈએ પણ પસાર નહીં થવું પડે. મારા તરફથી હું થોડો પ્રેમ તને મોકલી રહી છું જે તારા ગ્લોમાં વધારો કરશે.’