રામોજી ફિલ્મ સિટીમાં શૂટિંગ દરમિયાન ઘાયલ થયા રોહિત શેટ્ટી, હૉસ્પિટલમાં દાખલ

કાર ચેઝ સિક્વન્સના શૂટિંગ દરમિયાન રોહિત શેટ્ટીના હાથમાં ઈજા થઈ

ફાઇલ તસવીર

બોલિવૂડના જાણીતા નિર્દેશક રોહિત શેટ્ટી (Rohit Shetty) પોતાની આગામી વેબ સિરીઝના શૂટિંગ દરમિયાન ઘાયલ થયા છે. તે રામોજી ફિલ્મ સિટી (Ramoji Film City) હૈદરાબાદ (Hyderabad)માં વેબ સિરીઝ `ઇન્ડિયન પોલીસ ફોર્સ`નું શૂટિંગ કરી રહ્યા હતા. તે દરમિયાન આ અકસ્માત થયો હતો.

અહેવાલ છે કે કાર ચેઝ સિક્વન્સના શૂટિંગ દરમિયાન રોહિત શેટ્ટીના હાથમાં ઈજા થઈ છે. જે બાદ પ્રોડક્શન ટીમ દ્વારા તેમને કામીનેની હૉસ્પિટલમાં દાખલ કરવામાં આવ્યા હતા. જ્યાં તબીબોની ટીમે હાથની મામૂલી સારવાર કરી છે. જોકે, સર્જરી બાદ તરત જ તેમને હૉસ્પિટલમાંથી રજા આપવામાં આવી છે. હાલમાં તે સ્વસ્થ છે.

રોહિત શેટ્ટી તેના ડ્રીમ પ્રોજેક્ટ પર કામ કરી રહ્યા છે

રોહિત શેટ્ટી તેના જોરદાર એક્શન માટે જાણીતો છે. રોહિતની ફિલ્મોમાં સ્ટાર્સ કાર, બાઇક અને હેલિકોપ્ટરથી લડે છે. તેની ફિલ્મોમાં ફાઈટ અને એક્શન ખૂબ જ ફિલ્મી સ્ટાઈલમાં કરવામાં આવે છે. તમને જણાવી દઈએ કે રોહિત એક કોપ આધારિત વેબ શૉ લઈને આવી રહ્યો છે જે હાલમાં રામોજી ફિલ્મ સિટીમાં શૂટ થઈ રહ્યો છે.

કહેવામાં આવી રહ્યું છે કે આ વેબ સિરીઝ રોહિતનો ડ્રીમ પ્રોજેક્ટ છે. આ શ્રેણીમાં કાર ચેઝ સિક્વન્સ અને અન્ય હાઈ-ઓક્ટેન એક્શન અને સ્ટંટ દૃશ્યો શામેલ છે. આ સિરીઝમાં સિદ્ધાર્થ મલ્હોત્રા, વિવેક ઓબેરોય અને શિલ્પા શેટ્ટી લીડ રોલમાં જોવા મળશે.

આ પણ વાંચો: ‘શહઝાદા’ના ટ્રેલર લૉન્ચ માટે ત્રણ દિવસ સુધી ત્રણ શહેરમાં સેલિબ્રેશન

રોહિત શેટ્ટી 2023માં ઘણી બ્લોકબસ્ટર ફિલ્મો રિલીઝ કરશે

રોહિત શેટ્ટી હાલમાં જ સર્કસ ફિલ્મ લઈને આવ્યો હતો. જોકે આ ફિલ્મ બોક્સ ઑફિસ પર કંઈ ખાસ કમાલ કરી શકી નથી. આ ફિલ્મમાં રણવીર સિંહ સિવાય પૂજા હેગડે, જેકલીન અને વરુણ શર્મા મુખ્ય ભૂમિકામાં જોવા મળશે. હવે 2023માં, રોહિત શેટ્ટી અજય દેવગનની સિંઘમ 3, સિદ્ધાર્થ મલ્હોત્રાની ઈન્ડિયન પોલીસ ફોર્સ વેબ સિરીઝ, સૂર્યવંશી 2 અને ગોલમાલ 5 જેવી ફિલ્મોથી દર્શકોનું મનોરંજન કરશે. તે જ સમયે, રોહિત શેટ્ટીએ ખુલાસો કર્યો હતો કે ગોલમાલના પાંચમા ભાગમાં રણવીર સિંહ પણ જોવા મળશે.