‘બૈજુ બાવરા’ માટે ફી નહીં, પ્રૉફિટ શૅર કરશે રણવીર?

સંજય લીલા ભણસાલીની આગામી ફિલ્મ ‘બૈજુ બાવરા’ માટે રણવીર સિંહ ફી ચાર્જ નહીં કરે, પરંતુ પ્રૉફિટ શૅર કરશે એવું સાંભળવા મળ્યું છે

ફાઇલ તસવીર

સંજય લીલા ભણસાલીની આગામી ફિલ્મ ‘બૈજુ બાવરા’ માટે રણવીર સિંહ ફી ચાર્જ નહીં કરે, પરંતુ પ્રૉફિટ શૅર કરશે એવું સાંભળવા મળ્યું છે. અગાઉ સંજય લીલા ભણસાલીની ‘ગોલિયોં કી રાસલીલા : રામલીલા’, ‘બાજીરાવ મસ્તાની’ અને ‘પદ્માવત’માં પણ રણવીર સિંહે કામ કર્યું હતું. હવે ચોથી વખત આ બન્ને સાથે કામ કરવાના છે. આ ફિલ્મનું શૂટિંગ આવતા વર્ષે શરૂ કરવામાં આવશે. આ ફિલ્મમાં આલિયા ભટ્ટ પણ દેખાય એવી શક્યતા છે. ‘બૈજુ બાવરા’ સંજય લીલા ભણસાલીની મહત્ત્વાકાંક્ષી ફિલ્મ છે. તેમની ઇચ્છા છે કે આ ફિલ્મ માટે તમામ કલાકારો પૂરું યોગદાન આપે. સંજય લીલા ભણસાલી સાથે કામ કરવા માટે તો રણવીર સિંહ કાંઈ પણ કરવા તૈયાર થઈ જશે.