નઝર કે સામને

રણબીર​ સિંહ અને દીપિકા પાદુકોણ હાલમાં પ્રભાદેવીમાં રહે છે

દીપિકા પાદુકોણ હાલમાં જ તેના પતિ રણવીર સિંહ અને પેરન્ટ્સ સાથે તેના નવા ઘરનું બાંધકામ કેટલું થયું એ જોવા માટે ગઈ હતી.

દીપિકા પાદુકોણ હાલમાં જ તેના પતિ રણવીર સિંહ અને પેરન્ટ્સ સાથે તેના નવા ઘરનું બાંધકામ કેટલું થયું એ જોવા માટે ગઈ હતી. તેઓ છેલ્લા થોડા સમયથી લાઇમલાઇટથી દૂર છે. હાલમાં જ તેમનો એક વિડિયો વાઇરલ થયો છે જેમાં રણવીર સિંહે તેના લાંબા વાળ કપાવી કાઢેલા દેખાઈ રહ્યા છે. રણવીરને ઓળખવો ખૂબ જ  મુશ્કેલ હતો, પરંતુ ઍનિમલ પ્રિન્ટ હાફ પૅન્ટ્સને કારણે તેને સરળતાથી ઓળખી શકાય છે. રણબીર​ સિંહ અને દીપિકા પાદુકોણ હાલમાં પ્રભાદેવીમાં રહે છે. જોકે બૅન્ડસ્ટૅન્ડ પર સાગર રેશમ અપાર્ટમેન્ટમાં તેમણે ૧૬, ૧૭, ૧૮ અને ૧૯મા ફ્લોર પર ક્વૉડ્રપ્લેક્સ ખરીદ્યું છે. આ ઘર માટે તેમણે ૧૧૯ કરોડ રૂપિયા ખર્ચ કર્યા હોવાનું માનવામાં આવી રહ્યું છે. તેઓ છેલ્લાં ત્રણ વર્ષથી જુહુ અથવા તો બાંદરામાં ક્યાંક ઘર શોધી રહ્યાં હતાં. આ ઘરનું કામકાજ હાલમાં કેટલે પહોંચ્યું છે એ ચેક કરવા માટે તેઓ ગયાં હતાં જેનો વિડિયો વાઇરલ થયો છે.