ઇન્ડસ્ટ્રિયલિસ્ટ શ્રીકાંત બોલાની બાયોપિકનું શૂટિંગ શરૂ કર્યું રાજકુમારે

ફિલ્મને ભૂષણ કુમાર પ્રોડ્યુસ કરશે અને તુષાર હીરાનંદાની ડિરેક્ટ કરશે

ઇન્ડસ્ટ્રિયલિસ્ટ શ્રીકાંત બોલાની બાયોપિકનું શૂટિંગ શરૂ કર્યું રાજકુમારે

રાજકુમાર રાવે ઇન્ડસ્ટ્રિયલિસ્ટ શ્રીકાંત બોલાના જીવન પર બનતી ફિલ્મનું શૂટિંગ શરૂ કરી દીધું છે. આ ફિલ્મમાં રાજકુમાર રાવ સાથે આલાયા ફર્નિચરવાલા, શરદ કેળકર અને જ્યોતિકા દેખાશે. ફિલ્મને ભૂષણ કુમાર પ્રોડ્યુસ કરશે અને તુષાર હીરાનંદાની ડિરેક્ટ કરશે. શ્રીકાંત બોલા એક એવા ઉદ્યોગપતિ છે જેમણે પોતાની દૃષ્ટિહીનતાને સમસ્યા નહીં, પડકાર સમજીને સફળતાનાં શિખર સર કર્યાં હતાં. આંધ્ર પ્રદેશના નાનકડા ગામમાં રહેતા શ્રીકાંત બાળપણથી જ નેત્રહીન હતા. તેઓ અમેરિકાના મૅસેચુસેટ્સ ઇન્સ્ટિટ્યૂટ ઑફ ટેક્નૉલૉજીથી એજ્યુકેશન મેળવનાર પહેલા આંતરરાષ્ટ્રીય નેત્રહીન વિદ્યાર્થી બન્યા હતા. એ ફિલ્મનું શૂટિંગ શરૂ થઈ ચૂક્યું છે. આ ફિલ્મ અચુક લોકોને પ્રેરિત કરશે.