અલ્લુ અર્જુનના ફૅન્સને કરવો પડશે વધુ ઇન્તેજાર

ઑગસ્ટમાં નહીં રિલીઝ થાય ‘પુષ્પા 2 : ધ રૂલ’?

‘પુષ્પા 2 : ધ રૂલ’

અલ્લુ અર્જુનની ‘પુષ્પા : ધ રાઇઝ પાર્ટ 1’એ લોકોને ઘેલું લગાડ્યું હતું. એ ફિલ્મનાં ગીતો અને ડાન્સ સ્ટેપ્સ ખૂબ ફેમસ થયાં હતાં. ફિલ્મ પણ લોકોને ખૂબ ગમી હતી. હવે એનો બીજો પાર્ટ ‘પુષ્પા 2 : ધ રૂલ’ પણ તૈયાર થવાને આરે છે. ફિલ્મને ૧૫ ઑગસ્ટે રિલીઝ કરવાની હતી, પરંતુ હવે લાગે છે કે આ ફિલ્મની રિલીઝને કદાચ પાછળ ઠેલવામાં આવશે. એવું જાણવા મળ્યું છે કે ફિલ્મનું થોડુંઘણું શૂટિંગ બાકી છે અને એ સમયસર પૂરું નહીં થઈ શકે. એથી એની રિલીઝને પોસ્ટપોન કરવામાં આવશે. મેકર્સ એને દશેરા, ક્રિસમસ કાં તો પોંગલમાં રિલીઝ કરવાનું વિચારી રહ્યા છે. જોકે ચોક્કસ તારીખની જાહેરાત ટૂંક સમયમાં કરવામાં આવશે. જો રિલીઝને પોસ્ટપોન કરવામાં આવી તો શ્રદ્ધા કપૂર અને રાજકુમાર રાવની ‘સ્ત્રી 2’ સાથે એની ટક્કર નહીં થાય. આ ફિલ્મ ૧૫  ઑગસ્ટે રિલીઝ થવાની છે.