‘દસરા’ જેવી વધુ ફિલ્મો બને એવી ઇચ્છા વ્યક્ત કરી પ્રભાસે

તેલુગુ સ્ટાર નાનીની આ ફિલ્મ ૩૦ માર્ચે થિયેટરમાં હિન્દી અને સાઉથની અન્ય ભાષામાં રિલીઝ થઈ છે

પ્રભાસ

પ્રભાસે ‘દસરા’ જોયા બાદ આવી ફિલ્મો વધુ બને એવી ઇચ્છા વ્યક્ત કરી છે. તેલુગુ સ્ટાર નાનીની આ ફિલ્મ ૩૦ માર્ચે થિયેટરમાં હિન્દી અને સાઉથની અન્ય ભાષામાં રિલીઝ થઈ છે. આ ફિલ્મમાં કીર્તિ સુરેશ પણ છે. આ ફિલ્મને શ્રીકાંત ઓડેલાએ લખી અને ડિરેક્ટ કરી છે. આ ફિલ્મ લોકોને પણ ખૂબ પસંદ પડી રહી છે. મહેશ બાબુને પણ આ ફિલ્મ ખૂબ પસંદ પડી હતી. હવે ‘દસરા’ જોયા બાદ ઇન્સ્ટાસ્ટોરી પર પ્રભાસે લખ્યું કે ‘હાલમાં જ મેં ‘દસરા’ જોઈ છે. અદ્ભુત ફિલ્મ છે. મને એ ખૂબ ગમી છે. આ ફિલ્મ કરવા માટે નાનીને અભિનંદન. ડિરેક્ટર શ્રીકાંત ઓડેલા, કીર્તિ અને આખી ટીમે પ્રશંસનીય કામ કર્યું છે. આપણે આવી ફિલ્મો વધુ બનાવવાની જરૂર છે.’