પરિણીતિ બહુ જલદી જશે લંડન

પરિણીતિ ચોપડા અને પતિ રાઘવ ચઢ્ઢાની તસવીર

પરિણીતિ ચોપડા તેના પતિ રાઘવ ચઢ્ઢા પાસે બહુ જલદી લંડન જવાની છે એવી ચર્ચા છે. આમ આદમી પાર્ટીના નેતા રાઘવ સાથે પરિણીતિએ ગયા વર્ષે ઉદયપુરમાં સપ્ટેમ્બરમાં લગ્ન કર્યાં હતાં. રાઘવની આંખમાં કૉમ્પ્લીકેશન આવ્યાં હોવાથી તેણે લંડનમાં આંખની સર્જરી કરાવી છે. તેણે સમયસર સર્જરી ન કરાવી હોત તો તેને દેખાતું બંધ થઈ ગયું હોત. તે હાલમાં રિકવર થઈ રહ્યો છે. ડૉક્ટરે તેને તડકામાં બહાર જવાની ના પાડી છે તેમ જ ડૉક્ટરની સલાહ વગર તે ભારત પાછો ફરી શકે એમ નથી. રાઘવના ચેકઅપ દરમ્યાન પરિણીતિ તમામ અપડેટ રાખી રહી હતી. જોકે તે તેની ‘અમર સિંહ ચમકીલા’ના પ્રમોશનમાં વ્યસ્ત હોવાથી રાઘવને સમય નહોતી આપી શકી. તે હવે બહુ જલદી રાઘવ પાસે લંડન જવાની છે અને તે તેને ભારત લઈને જ પાછી આવશે.