16 February, 2023 04:44 PM IST | Mumbai | Gujarati Mid-day Correspondent
શાહરુખ ખાનની ફિલ્મ પઠાન
શાહરુખ ખાનનું કહેવું છે કે તેનાં બાળકોને ‘પઠાન’માં તેની બૉડી કૂલ લાગી છે. આ ફિલ્મના ગીત ‘ઝૂમે જો પઠાન’માં તે શર્ટલેસ બન્યો છે. આ ફિલ્મને સિદ્ધાર્થ આનંદે ડિરેક્ટ કરી છે. આ ગીતને બૉસ્કો માર્ટિસે કોરિયોગ્રાફ કર્યું હતું. શાહરુખનાં ત્રણ બાળકો આર્યન ખાન, સુહાના ખાન અને અબરામને તેનો આ લુક ખૂબ ગમ્યો છે. એ બાબતે શાહરુખે કહ્યું કે ‘અમે જ્યારે ‘પઠાન’નું ગીત ‘ઝૂમે જો પઠાન’ કર્યું ત્યારે મને લાગે છે કે મને શર્ટલેસ કરવા માટે ષડયંત્ર ઘડવામાં આવ્યું હતું. કોઈ ખાતરી નહોતી કે હું એ કરી શકીશ, પરંતુ તેમણે મારી પાસે આ કરાવ્યું. મને લાગે છે કે આ બધું પહેલેથી પ્લાન કરવામાં આવ્યું હતું. ધીમે-ધીમે તેમણે મારા શર્ટનાં બટન્સ ખોલવાનું શરૂ કર્યું. મેં કદી પણ ઍબ્સ સાથે મારાં સિગ્નેચર સ્ટેપ્સ નહોતા કર્યાં. એથી હા, મારા ઘણાબધા ટેક્સ થયા હતા. મને એ વાતની ખૂબ ખુશી થાય છે જ્યારે યુવાનો અને મારાં બાળકો મને સ્ક્રીન પર જોઈને કહે છે કે મારી બૉડી ખૂબ કૂલ દેખાય છે. મને ખૂબ આનંદ થાય છે, પરંતુ સાથે જ મને ડર પણ લાગે છે. મને ખાતરી નથી કે હું ફરીથી એ કરી શકીશ કે નહીં.’
481,35
એકવીસ દિવસમાં ‘પઠાન’ના હિન્દી વર્ઝને આટલા કરોડ રૂપિયાનો કર્યો બિઝનેસ તો હિન્દી, તામિલ અને તેલુગુના કલેક્શનને મેળવીને કુલ ૪૯૮.૮૫ કરોડનો બિઝનેસ કર્યો છે.