રણબીર કપૂરના ફૅન્સે AI વડે બનાવ્યા તેની ફિલ્મ ‘લવ એન્ડ વૉર’ના ક્રિએટિવ પોસ્ટર્સ

Love and War 2026: આ સાથે યશરાજ ફિલ્મ્સની ‘ધૂમ’ સિરીઝની ચોથી આવૃત્તિમાં રણબીર કપૂર મુખ્ય ભૂમિકામાં હશે એવી ચર્ચા આજકાલ બૉલીવુડમાં ચાલી રહી છે.

તસવીર: સોશિયલ મીડિયા)

ગઈકાલે બૉલિવૂડ અભિનેતા રણબીર કપૂરની (Love and War 2026) બર્થ ડે હતો. રણબીરના બર્થ ડે પર તેને તેની પત્ની અલિયા ભટ્ટ, મમ્મી નીતુ કપૂર સહિત તેના હજારો ચાહકોએ શુભેચ્છા પાઠવી અને તેના માટે અનેક પોસ્ટ સોશિયલ મીડિયા પર શૅર કરી હતી. રણબીર તેની આગામી ફિલ્મ ‘લવ એન્ડ વૉર’ની તૈયારીઓમાં છે આ ફિલ્મને લઈને તેના ચાહકોમાં પણ ખૂબ જ ઉત્સાહ છે, જેને પગલે તેમણે તેમના સુપરસ્ટાર્સ માટે AIથી બનાવેલા ફિલ્મના ક્રિએટિવ પોસ્ટર્સ સોશિયલ મીડિયા પર પોસ્ટ કર્યા હતા.

સંજય લીલા ભણસાલીની આગામી ફિલ્મ ‘લવ એન્ડ વોર’ની (Love and War 2026) જાહેરાત એક મોટી આશ્ચર્યજનક રહી છે, અને એવું લાગે છે કે પ્રેક્ષકો પહેલેથી જ તેના વિશે ખૂબ જ ઉત્સાહિત છે અને આ મહાકાવ્ય ફિલ્મની રિલીઝની રાહ જોવી મુશ્કેલ બની રહી છે. સંજય લીલા ભણસાલીની ફિલ્મ લવ એન્ડ વોરમાં રણબીર કપૂર, આલિયા ભટ્ટ અને વિકી કૌશલ લીડ રોલમાં જોવા મળવાના છે. આ ફિલ્મ માટે લોકોનો ઉત્સાહ ખૂબ જ વધુ વધી ગયો છે. ચાહકો આગામી અપડેટની આતુરતાથી રાહ જોઈ રહ્યા છે અને રણબીર કપૂરના જન્મદિવસ પર તેમની એકસાઈટમેન્ટ ના સ્પષ્ટપણે દેખાઈ રહી છે. તેમણે ફિલ્મ માટે AI-જનરેટેડ પોસ્ટર બનાવવાનું શરૂ કર્યું છે, જે સોશિયલ મીડિયા પર વધુને વધુ લોકપ્રિય થઈ રહ્યા છે અને જોરદાર વાયરલ થઈ રહ્યા છે.

રણબીર કપૂરના જન્મદિવસ પર, લોકો ઓનલાઈન સંજય લીલા ભણસાલીની (Love and War 2026) ફિલ્મ લવ એન્ડ વોર માટે AI-જનરેટેડ પોસ્ટર બનાવી રહ્યા છે. ચાહકોએ તેમના પોતાના વિચારોના આધારે પોસ્ટરો ડિઝાઇન કર્યા છે, અને પરિણામો એકદમ સરસ દેખાય છે. વિખ્યાત કલાકારોને અલગ-અલગ ભૂમિકામાં જોવા એ ખરેખર આનંદની વાત છે. ચાલો જોઈએ કે લોકો ઓનલાઈન સંજય લીલા ભણસાલીની લવ એન્ડ વોર માટે AI-જનરેટેડ પોસ્ટર શું બનાવે છે, જેણે ફિલ્મ બાબતે એક નવી ચર્ચા શરૂ કરી છે.

જેમ જેમ ફિલ્મ માટેની એકસાઈટમેન્ટ લોકોમાં વધતી દેખાઈ રહી છે, તેમ તેમ સંજય લીલા ભણસાલી અને રણબીર કપૂર, આલિયા ભટ્ટ (Love and War 2026) અને વિકી કૌશલ જેવા પ્રતિભાશાળી સ્ટાર્સને મોટા પડદા પર એકસાથે જોવાની એકસાઈટમેન્ટ વધી રહી છે. તમને જણાવી દઈએ કે આ ફિલ્મ 20 માર્ચ 2026ના રોજ રિલીઝ થવાની શક્યતા છે. આ સાથે યશરાજ ફિલ્મ્સની ‘ધૂમ’ સિરીઝની ચોથી આવૃત્તિમાં રણબીર કપૂર મુખ્ય ભૂમિકામાં હશે એવી ચર્ચા આજકાલ બૉલીવુડમાં ચાલી રહી છે. ‘ધૂમ 4’માં રણબીર મુખ્ય ભૂમિકામાં હશે અને આ રોલ વિલનનો હશે એવી ચર્ચા છે. એવી પણ વાત છે કે ‘ધૂમ’ સિરીઝના અગાઉના કોઈ કલાકારો ચોથી આવૃત્તિમાં નહીં હોય અને બે નવા ઍક્ટરોને પોલીસના પાત્ર માટે પસંદ કરવામાં આવશે.