શાહરુખની પત્ની હોવાથી મને કોઈ કામ નહોતું આપી રહ્યું : ગૌરી ખાન

શાહરુખ ખાન અને ગૌરી ખાન

ગૌરી ખાનનું કહેવું છે કે તે શાહરુખ ખાનની પત્ની હોવાથી તેને વધુ કામ નહોતું મળી રહ્યું. ગૌરી ઇન્ટીરિયર ડિઝાઇનર છે. તે પોતાના દમ પર તેની કંપની ચલાવી રહી છે. જોકે શાહરુખ ખાનના કારણે તેને કામ નથી મળી રહ્યું. આ વિશે વાત કરતાં ગૌરી ખાને કહ્યું હતું કે ‘નવા પ્રોજેક્ટની વાત ચાલતી હોય ત્યારે કેટલાક લોકો મને ડિઝાઇનર તરીકે જુએ છે. જોકે એવો પણ સમય જોયો છે જ્યારે લોકો શાહરુખ ખાનની પત્ની સાથે કામ કરી રહ્યા હોવાનો ભાર ઉઠાવવા ન માગતા હોવાથી મને કામ નહોતા આપી રહ્યા. મારા પચાસ ટકા કેસમાં આવું જોવા મળે છે.’