06 October, 2024 12:08 PM IST | Mumbai | Gujarati Mid-day Correspondent
કૅટરિના કૈફ
બૉલીવુડની ઍક્ટ્રેસ કૅટરિના કૈફ ઍરપોર્ટ પર જોવા મળી ત્યારે તેના જમણા હાથ પર બ્લૅક કલરનું એક પૅચ લાગેલું જોવા મળતાં તેના ચાહકોમાં ઍક્ટ્રેસના સ્વાસ્થ્યને લઈને ચિંતાનું મોજું પ્રસરી ગયું છે. સામાન્ય રીતે આવું પૅચ બ્લડશુગર કન્ટ્રોલમાં રહે છે કે નહીં એ ચેક કરવા માટે લગાડવામાં આવે છે. તેનો આ વિડિયો સોશ્યલ મીડિયામાં વાઇરલ થતાં ચાહકો પણ એક જ સવાલ પૂછી રહ્યા છે કે કૅટરિનાની તબિયત સારી છે કે નહીં, તેને ડાયાબિટીઝ તો નથીને?
જોકે આ જોઈને કેટલાક ચાહકો એવું જણાવતા હતા કે આ અલ્ટ્રાહ્યુમન ફિટનેસ ચેકર છે જે બ્લડ શુગર, હાર્ટ રેટ અને ઊંઘની પૅટર્ન જેવી બાબતોને ટ્રૅક કરે છે.
જોકે સૂત્રો જણાવે છે કે જે બ્લૅક પૅચ ઍક્ટ્રેસે પહેર્યું હતું એ તેની ફિટનેસની ચકાસણી કરે છે જેમાં હાર્ટ રેટ, કેલરી કાઉન્ટ, ઊંઘની પૅટર્ન વગેરેનો સમાવેશ છે. કૅટરિના તેના સ્વાસ્થ્ય અને ફિટનેસ બાબતે ખૂબ જ સજાગ છે, એનું આ પ્રૂફ છે.