11 April, 2023 03:14 PM IST | Mumbai | Gujarati Mid-day Correspondent
કાર્તિક આર્યન
કાર્તિક આર્યન અને કરણ જોહરની વચ્ચે મતભેદ ખતમ થયા હોય એવું જાણવા મળ્યું છે. તાજેતરમાં જ આ બન્ને એક જ બિલ્ડિંગમાંથી એક જ સમયે બહાર નીકળતા દેખાયા હતા. કાર્તિક સાથેની ‘દોસ્તાના 2’ પડતી મૂક્યા બાદથી કરણ સતત ટ્રોલ થતો આવ્યો છે. હાલમાં પ્રિયંકા ચોપડા જોનસ અને અનુષ્કા શર્માને લઈને પણ તે ખૂબ જ ટ્રોલ થઈ રહ્યો છે. આમ સતત ટ્રોલ થતાં હવે તેણે કાર્તિક સાથે પૅચ-અપ કરવાનું નક્કી કર્યું હોય એવું લાગી રહ્યું છે. તેઓ બન્ને સાથે કામ કરવાના છે. થોડાં વર્ષો પહેલાં બન્ને વચ્ચે વિવાદ સર્જાતાં કરણની ‘દોસ્તાના 2’માંથી કાર્તિક નીકળી ગયો હતો. આ ફિલ્મની જાહેરાત ૨૦૧૯માં કરવામાં આવી હતી અને કોવિડને કારણે એને પોસ્ટપોન કરવામાં આવી હતી. હવે બન્ને સાથે દેખાતાં તેમના ફૅન્સ સોશ્યલ મીડિયામાં વિવિધ કમેન્ટ્સ કરી રહ્યા છે. સોશ્યલ મીડિયા યુઝરે લખ્યું કે ‘કરણ જોહર, કાર્તિક આર્યન અને સારા અલી ખાનને સાથે ફિલ્મમાં કાસ્ટ કર. અમે તેમને સાથે જોવા માટે આતુર છીએ. અમે જાણીએ છીએ કે આ મૅજિકલ કપલને તું જ સાથે લાવી શકે છે.’