કંગના અને મોહનલાલ દેખાશે એક મિની સિરીઝમાં?

કંગના રનોટ અને મોહનલાલ એક મિની સિરીઝ ‘વન નેશન’માં સાથે દેખાવાનાં છે એવું જાણવા મળ્યું છે.

કંગના અને મોહનલાલ દેખાશે એક મિની સિરીઝમાં?

કંગના રનોટ અને મોહનલાલ એક મિની સિરીઝ ‘વન નેશન’માં સાથે દેખાવાનાં છે એવું જાણવા મળ્યું છે. થોડા સમય અગાઉ જ પ્રોડ્યુસર વિષ્ણુ વર્ધન ઇન્દુરીએ એની જાહેરાત કરી છે. આ સિરીઝને બનાવવા માટે પ્રિયદર્શન, વિવેક અગ્નિહોત્રી, સંજય પૂરણ સિંહ ચૌહાણ, જૉન મૅથ્યુ મથાન, મંજુ બોરાહ અને ડૉક્ટર ચન્દ્રપ્રકાશ દ્વિવેદી ડિરેક્ટ કરવાનાં છે. આ છ એપિસોડની મિની સિરીઝમાં આપણા દેશના જાંબાઝ હીરોની શૌર્યગાથા દેખાડવામાં આવશે. પ્રિયદર્શન અને મોહનલાલે એકસાથે પચીસ ફિલ્મોમાં સાથે કામ કર્યું છે. એથી સ્વાભાવિક છે કે મોહનલાલ તેમની પહેલી પસંદ રહેશે. તેમને સ્ટોરી સંભળાવવામાં આવી છે અને તેમને ગમી પણ છે. જોકે સત્તાવાર જાહેરાત કરવાની બાકી છે. તો બીજી તરફ વિવેક અગ્નિહોત્રીએ કંગના રનોટને અપ્રોચ કરી છે. આ વર્ષે એનું શૂટિંગ શરૂ થવાનું છે. એને ડિજિટલ પ્લૅટફૉર્મ પર હિન્દીમાં રિલીઝ કરવામાં આવશે. સાથે જ અન્ય ભાષાઓમાં પણ એને ડબ કરવામાં આવશે.