કમલ હાસનને પ્રેરણા ગણાવ્યા માધવને

‘રૉકેટ્રી’ને મળેલા નૅશનલ અવૉર્ડ પર તેમણે આપ્યાં અભિનંદન

આર. માધવન

આર. માધવનની ‘રૉકેટ્રી : ધ નામ્બી ઇફેક્ટ’ને નૅશનલ અવૉર્ડ મળતાં કમલ હાસને તેને અભિનંદન આપ્યાં છે. તો સામે આર. માધવને તેમને પોતાના પ્રેરણાસ્રોત ગણાવ્યા છે. તાજેતરમાં આ પ્રતિષ્ઠિત અવૉર્ડની જાહેરાત કરવામાં આવી છે. આ ફિલ્મ ઇસરો (આઇએસઆરઓ- ઇન્ડિયન સ્પેસ રિસર્ચ ઑર્ગેનાઇઝેશ)ના વૈજ્ઞાનિક ડૉ. નામ્બી નારાયણનના જીવન પર આધારિત છે. ફિલ્મ અને આર. માધવનની પ્રશંસા કરતી પોસ્ટ સાઉથની ભાષામાં કમલ હાસને X પર કરી હતી. હવે આર. માધવને તેમને રિપ્લાય આપ્યો છે કે ‘કમલસર, ખૂબ-ખૂબ આભાર. સિનેમામાં તમે અમારા સૌ માટે મોટી પ્રેરણા સમાન છો. તમે કરેલી પ્રશંસા તો મારા, ટીમ ‘રૉકેટ્રી’ અને નામ્બી સર માટે ખૂબ મહત્ત્વ ધરાવે છે.’