09 October, 2023 04:01 PM IST | Mumbai | Gujarati Mid-day Correspondent
કાજોલ અને અજય દેવગન
કાજોલને નથી લાગતું કે તેના પ્રોફેશન માટે તેને હસબન્ડ અજય દેવગન પાસેથી વૅલિડેશનની જરૂર હોય. કાજોલ અને અજય દેવગનને ચોવીસ વર્ષના લગ્નજીવનમાં નિસા અને યુગ નામનાં બે બાળકો છે. અજય દેવગન મોટા ભાગે કાજોલની ફિલ્મો નથી જોતો, પરંતુ કાજોલ તેની ફિલ્મો જુએ છે. જોકે એનાથી તેને કોઈ ફરક નથી પડતો. એ વિશે કાજોલે કહ્યું કે ‘મને તેની પાસેથી મારા પ્રોફેશનના વૅલિડેશનની જરૂર નથી લાગતી. અમે બન્ને સિક્યૉર છીએ. એથી અમે બન્ને એકબીજાના કામમાં દરમ્યાનગીરી નથી કરતા. અમે એમ પણ નથી કહેતા કે ઓહ, તારે આ સીન આવી રીતે કરવાની જરૂર હતી. ના, અમે આવું કદી નથી કરતા. અમારી પાસે ચર્ચા કરવા માટે ઘણાબધા વિષયો છે. બે બાળકો છે, ઘર છે, બે ડૉગી છે. ચાર ગાડી છે. આ બધાની વચ્ચે અમને ફિલ્મો અને ઍક્ટિંગ વિશે વાત કરવાનો સમય જ નથી રહેતો.’