પચીસ વર્ષ બાદ હિન્દી ફિલ્મ ઇન્ડસ્ટ્રીમાં કમબૅક કરશે જ્યોતિકા

આ ફિલ્મ ગુજરાતી ફિલ્મ ‘વશ’ની હિન્દી રીમેક હોવાનું કહેવામાં આવી રહ્યું છે.

જ્યોતિકા

જ્યોતિકા હવે પચીસ વર્ષ બાદ હિન્દી ફિલ્મ ઇન્ડસ્ટ્રીમાં કમબૅક કરવાની છે. તે અજય દેવગનની આગામી સુપર નૅચરલ થ્રિલરમાં દેખાવાની છે. ગુજરાતી ફિલ્મ ‘વશ’ની હિન્દી રીમેક હોવાનું કહેવામાં આવી રહ્યું છે. આ ફિલ્મમાં આર. માધવન પણ દેખાશે. ફિલ્મને અજય દેવગન, કુમાર મંગત પાઠક અને અભિષેક પાઠક સાથે મળીને પ્રોડ્યુસ કરશે, જેને વિકાસ બહલ ડિરેક્ટ કરવાનો છે. ફિલ્મનું શેડ્યુલ સ્ટાર્ટ-ટુ-ફિનિશ રહેશે. જૂનમાં ફિલ્મનું શૂટિંગ શરૂ કરવામાં આવશે. આ ફિલ્મમાં જ્યોતિકા પહેલી વખત અજય દેવગન સાથે જોવા મળવાની છે. આ ફિલ્મને મુંબઈ, મસૂરી અને લંડનમાં શૂટ કરવામાં આવશે. ફિલ્મને લગતી અન્ય માહિતી બહુ જલદી શૅર કરવામાં આવશે.