જૉન એબ્રાહમ અનુશાસનવાળો અને સૌમ્ય માણસ છે : શાહરુખ ખાન

શાહરુખ ખાન, જૉન એબ્રાહમ અને દીપિકા પાદુકોણ ‘પઠાન’માં સાથે દેખાવાનાં છે

જૉન એબ્રાહમ અનુશાસનવાળો અને સૌમ્ય માણસ છે : શાહરુખ ખાન

શાહરુખ ખાને જૉન એબ્રાહમની પ્રશંસા કરતાં તેને સૌમ્ય અને અનુશાસનવાળો માણસ ગણાવ્યો છે. શાહરુખ ખાન, જૉન એબ્રાહમ અને દીપિકા પાદુકોણ ‘પઠાન’માં સાથે દેખાવાનાં છે. યશરાજ ફિલ્મ્સની આ ફિલ્મ આવતા વર્ષે પચીસમી જાન્યુઆરીએ રિલીઝ થવાની છે. ફિલ્મની સ્ટોરી એક ભારતીય જાસૂસની છે. તાજેતરમાં સોશ્યલ મીડિયામાં ક્વેશ્ચન ઍન્ડ આન્સર સેશનમાં શાહરુખને એક ફૅને પૂછ્યું કે જૉન સાથે કામ કરવાનો અનુભવ કેવો રહ્યો. એનો જવાબ આપતાં શાહરુખે કહ્યું કે ‘હું જૉનને ઘણાં વર્ષોથી ઓળખું છું. તેની સાથે કામ કરવાની ખૂબ મજા આવી હતી. તે ખૂબ કોમળ અને અનુશાસનવાળો વ્યક્તિ છે.’