નાકની સર્જરી કરાવવાની સાથે ઉંમરને પણ છુપાવવા માટે કહેવામાં આવ્યું હતું જૅકલિનને

બૉલીવુડમાં તેને આપવામાં આવેલી સલાહ વિશે જૅકલિને કહ્યું કે...

જૅકલિન ફર્નાન્ડિસ

જૅકલિન ફર્નાન્ડિસને એક સમયે તેના નાકની સર્જરી કરાવવા માટેની સલાહ આપવામાં આવી હતી. જૅકલિન હાલમાં જ ફ્રાન્સમાં ચાલી રહેલા કાન ફિલ્મ-ફેસ્ટિવલમાં જોવા મળી હતી. મની લૉન્ડરિંગ કેસમાં સંડોવાયેલા સુકેશ ચંદ્રશેખર સાથે રિલેશનશિપમાં હોવાની વાત બહાર આવી ત્યારથી તે જાહેરમાં ખૂબ જ ઓછી દેખાઈ છે. બૉલીવુડમાં તેને આપવામાં આવેલી સલાહ વિશે જૅકલિન કહે છે, ‘મને નાકની સર્જરી કરાવવાની સલાહ આપવામાં આવી હતી. એ ખૂબ જ ખતરનાક સલાહ હતી. મને મારું નાક ખૂબ જ પસંદ છે એથી મેં એ સલાહ નહોતી માની. મેં એક ઍક્ટરને કહ્યું હતું કે મારે બરાબર હિન્દી બોલતાં શીખવું પડશે, પરંતુ તેણે મને ફક્ત સારા દેખાવા માટે કહ્યું હતું. કોઈ પણ નવા ઍક્ટર માટે આ ખૂબ જ ખોટી સલાહ હતી. આ સાથે જ મને મારી ઉંમરને છુપાવવાની સલાહ પણ આપવામાં આવી હતી. મને એવું કહેવામાં આવ્યું હતું કે ૩૦ વર્ષ બાદ હિરોઇન્સને ફિલ્મોની ઑફર નથી મળતી.’