07 August, 2023 10:02 PM IST | Mumbai | Gujarati Mid-day Correspondent
નુસરત ભરુચા
નુસરત ભરૂચાની ફિલ્મ ‘અકેલી’ રિલીઝ થવાની છે. એમાં તેને અન્ય કલાકારો સાથે સેટ પર કામ કરવાની પણ મજા આવી હતી. આ ફિલ્મને પ્રણય મેશરામે ડિરેક્ટ કરી છે. ફિલ્મ ૧૮ ઑગસ્ટે થિયેટરમાં રિલીઝ થવાની છે. એ ફિલ્મ એક એવી યુવતીની છે જે એક અણધારી આફતમાં સપડાઈ જાય છે. આ ફિલ્મમાં નુસરતની સાથે ત્સાવી હલેવી અને આમિર બૉટ્રોસ પણ જોવા મળશે. એ બન્નેએ ‘ફૌદા’ સિરીઝમાં પણ કામ કર્યું છે. તેમના વિશ પૂછવામાં આવતાં નુસરતે કહ્યું કે ‘મેં એ સિરીઝ જોઈ છે અને એ બન્નેને પણ એમાં જોયા છે. તેઓ અદ્ભુત ઍક્ટર્સ અને માણસો છે. તેમની સાથે શૂટિંગ કરવાની ખૂબ મજા આવી હતી.’