કરીઅરની ઊંચાઈએ પહોંચીને લગ્ન કરવાનો અને દીકરીને જન્મ આપવાનો સૌથી સારો નિર્ણય માને છે આલિયા

આલિયાએ ૨૦૨૨ની ૧૪ એપ્રિલે રણબીર સાથે લગ્ન કર્યાં હતાં અને એ વર્ષે જ ૬ નવેમ્બરે તેણે દીકરીને જન્મ પણ આપ્યો છે

આલિયા ભટ્ટ

આલિયા ભટ્ટે કરીઅરની ઊંચાઈએ પહોંચીને રણબીર કપૂર સાથે લગ્ન કર્યાં અને દીકરીને જન્મ આપ્યો છે એને તે પોતાની લાઇફનો સૌથી સારો નિર્ણય માને છે. તેનું એમ કહેવું છે કે એ વાતનો તેને કોઈ પસ્તાવો પણ નથી. આલિયાએ ૨૦૨૨ની ૧૪ એપ્રિલે રણબીર સાથે લગ્ન કર્યાં હતાં અને એ વર્ષે જ ૬ નવેમ્બરે તેણે દીકરીને જન્મ પણ આપ્યો છે.  દીકરીનું નામ રાહા રાખવામાં આવ્યું છે. આલિયા અને રણબીરની ગયા વર્ષે ‘બ્રહ્માસ્ત્ર’ રિલીઝ થઈ હતી. બન્ને પ્રોફેશનલી ખાસ્સી બિઝી પણ છે. પોતાની લાઇફના અગત્યના ચૅપ્ટર વિશે આલિયા ભટ્ટે કહ્યું કે ‘મારી કરીઅરની પીક પર આવીને મેં લગ્ન કર્યાં અને દીકરીને જન્મ પણ આપ્યો. કોણ કહે છે કે લગ્ન કરીને અને મા બન્યા બાદ મારા કામમાં કોઈ પરિવર્તન આવશે? જો આવી પણ જાય તો કોઈ વાંધો નથી. મને એની કોઈ ચિંતા પણ નથી. હું જાણતી હતી કે બાળકને જન્મ આપ્યા બાદ મારે લાઇફમાં કદી પસ્તાવો નહીં કરવો પડે. આ એક સ્વાભાવિક વસ્તુ છે. મેં લીધેલા અત્યાર સુધીના નિર્ણયોમાંથી આ સૌથી સારો નિર્ણય છે.’