24 May, 2024 11:42 AM IST | Mumbai | Gujarati Mid-day Correspondent
અક્ષય અને શાહરુખ
ફિલ્મમેકર્સ અબ્બાસ-મસ્તાન હવે શાહરુખ ખાન અને અક્ષયકુમારને લઈને ‘બાઝીગર 2’ બનાવશે એવી ચર્ચા ચાલી રહી છે. ૧૯૯૩માં આવેલી ‘બાઝીગર’માં શાહરુખે કામ કર્યું હતું અને એ તેની કરીઅર માટે ખૂબ જ મહત્ત્વની ફિલ્મ રહી હતી. અબ્બાસ–મસ્તાને હાલમાં જ એક પૉડકાસ્ટમાં હાજરી આપી હતી. એ દરમ્યાન તેમને ફૅન્સના સવાલો પૂછવામાં આવ્યા હતા. એક ફૅન્સે ‘બાઝીગર’ની સીક્વલ વિશે પૂછતાં તેમણે કહ્યું હતું કે જરૂર ફિલ્મ બનાવવામાં આવશે. જોકે એ સીક્વલમાં શાહરુખ અને અક્ષયને સાથે લેવા માટે સજેશન આપવામાં આવતાં
મસ્તાને કહ્યું કે ‘આપકે પાસ કહાની હૈ તો દીજિએ. ઝરૂર બનાએંગે.’