લક્ષ્યની રિલીઝનાં વીસ વર્ષ બાદ સૈનિકો પર આધારિત વધુ એક ફિલ્મ બનાવશે ફરહાન

ફિલ્મમેકર ફરહાન અખ્તરે વીસ વર્ષ પહેલાં હૃતિક રોશનને લઈને ‘લક્ષ્ય’ બનાવી હતી

`લક્ષ્ય`નો સીન

ફિલ્મમેકર ફરહાન અખ્તરે વીસ વર્ષ પહેલાં હૃતિક રોશનને લઈને ‘લક્ષ્ય’ બનાવી હતી. એ ફિલ્મને ગઈ કાલે ફરીથી થિયેટરમાં રિલીઝ કરવામાં આવી છે. એ ફિલ્મને ફરહાને ડિરેક્ટ અને પ્રોડ્યુસ કરી હતી. ફરહાન અને રિતેશ સિધવાણી સાથે મળીને એક્સેલ એન્ટરટેઇનમેન્ટ હેઠળ ફિલ્મો પ્રોડ્યુસ કરે છે. ફરહાનને પૂછવામાં આવ્યું હતું કે શું તે ફરીથી ભારતીય સેના પર આધારિત ફિલ્મ બનાવશે? તો એ વિશે ફરહાન કહે છે, ‘અમે આવી ફિલ્મ બનાવવા વિશે વિચારી રહ્યા છીએ. ટૂંક સમયમાં કાં તો થોડાં અઠવાડિયાંમાં અમે આ ફિલ્મને લઈને જાહેરાત કરવાના છીએ. ફરીથી એ મેન્ટલી અને ઇમોશનલી અમે એ તબક્કામાં જવાના છીએ એ વિચારીને આનંદ થાય છે. એને લઈને ઉત્સુક પણ છીએ.’