લો બોલો, શાહિદને પણ ખબર નથી કે તેની ફિલ્મ દેવાનો એન્ડ શું છે?

ફિલ્મના ક્લાઇમૅક્સને છેલ્લે સુધી સીક્રેટ રાખવા માટે અનેક વર્ઝન શૂટ થયાં છે

શાહિદ કપૂર

શાહિદ કપૂરની આગામી ફિલ્મ છે ‘દેવા’. એ ફિલ્મમાં તેની હિરોઇન પૂજા હેગડે છે. હાલમાં આ ફિલ્મનું ટ્રેલર લૉન્ચ થયું હતું જેને જબરદસ્ત લોકપ્રિયતા મળી છે. આ ફિલ્મની સ્ટોરીલાઇન અને ઍક્શન-સીક્વન્સ બધાનું ધ્યાન ખેંચવામાં સફળ સાબિત થઈ છે. આ ફિલ્મ ૩૧ જાન્યુઆરીએ રિલીઝ થવાની છે ત્યારે એના ક્લાઇમૅક્સને લઈને નવી અપડેટ આવી છે.

આ ફિલ્મ સાથે સંકળાયેલી વ્યક્તિએ માહિતી આપી છે કે આ ફિલ્મ માટે અનેક ક્લાઇમૅક્સ શૂટ કરવામાં આવ્યા છે અને ફિલ્મના કલાકારો તેમ જ ક્રૂને પણ ખબર નથી કે ફાઇનલ કટમાં કયો ક્લાઇમૅક્સ રાખવામાં આવ્યો છે. મળતી માહિતી પ્રમાણે ફિલ્મમેકર્સે ક્લાઇમૅક્સને સંપૂર્ણપણે સીક્રેટ રાખ્યો છે અને આને કારણે બધા લોકો કન્ફ્યુઝ છે. આ સસ્પેન્સ માત્ર ઑડિયન્સ માટે નથી, ફિલ્મની ટીમ માટે પણ ક્લાઇમૅક્સ સસ્પેન્સ છે.

આ ફિલ્મના ટ્રેલરને જબરદસ્ત રિસ્પૉન્સ મળ્યો છે. ફિલ્મમાં પૂજા હેગડે સાથે તેની કેમિસ્ટ્રી પણ જોરદાર છે. જાણીતા મલયાલમ ડિરેક્ટર રોશન એન્ડ્રુઝના ડિરેક્શનમાં બનેલી આ ફિલ્મને ઝી સ્ટુડિયોઝ તેમ જ રૉય કપૂર ફિલ્મ્સ દ્વારા પ્રોડ્યુસ કરવામાં આવી છે.