27 March, 2024 06:50 AM IST | Mumbai | Gujarati Mid-day Correspondent
દિવ્યા ખોસલા કુમાર
દિવ્યા ખોસલા કુમાર હવે તેલુગુ ફિલ્મ ઇન્ડસ્ટ્રીમાં ફરી એન્ટ્રી કરવાની છે. તેણે ૨૦૦૪માં તેલુગુ ફિલ્મ ‘લવ ટુડે’ દ્વારા કરીઅરની શરૂઆત કરી હતી. જોકે એક વર્ષ બાદ તેણે ભૂષણકુમાર સાથે લગ્ન કરી લીધાં હતાં. તેણે ૨૦૧૭માં આવેલી શૉર્ટ ફિલ્મ ‘બુલબુલ’ દ્વારા ફરી ઍક્ટિંગ શરૂ કરી હતી. બૉલીવુડમાં તેણે ‘સત્યમેવ જયતે 2’ અને ‘યારીયાં 2’માં કામ કર્યું હતું. જોકે આ બન્ને ફિલ્મો બૉક્સ-ઑફિસ પર કમાલ નહોતી કરી શકી એથી તે ફરી તેલુગુ ફિલ્મ ઇન્ડસ્ટ્રીમાં જઈ રહી હોય એવું લાગી રહ્યું છે. તે હવે ‘હીરો હિરોઇન’માં કામ કરવાની છે. દિવ્યાના કહેવા મુજબ તેણે આ ફિલ્મ એની સ્ક્રિપ્ટને કારણે પસંદ કરી છે તેમ જ આ ફિલ્મ જે ડિરેક્ટર બનાવી રહ્યો છે તેણે અગાઉ રજનીકાન્તની ઘણી ફિલ્મો ડિરેક્ટ કરી હતી અને એ કારણસર પણ દિવ્યા આ ફિલ્મ કરવા માટે ઉત્સાહી હતી.