ડિરેક્ટરે બનાવ્યા ઢોસા

ડિરેક્ટર અનુરાગ બાસુએ ફિલ્મના સેટ પર ઢોસા બનાવ્યા હતા. તેઓ હાલ ‘મેટ્રો ઇન દિનોં’નું શૂટિંગ કરી રહ્યા છે.

ડિરેક્ટરે બનાવ્યા ઢોસા

ડિરેક્ટર અનુરાગ બાસુએ ફિલ્મના સેટ પર ઢોસા બનાવ્યા હતા. તેઓ હાલ ‘મેટ્રો ઇન દિનોં’નું શૂટિંગ કરી રહ્યા છે. આ ફિલ્મમાં અનુપમ ખેર, સારા અલી ખાન, આદિત્ય રૉય કપૂર, પંકજ ​ત્રિપાઠી, ફાતિમા સના શેખ, અલી ફઝલ, નીના ગુપ્તા અને કોંકણા સેન શર્મા લીડ રોલમાં છે. આ ફિલ્મ ડિસેમ્બરમાં રિલીઝ થવાની છે. અનુરાગ સેટ પર જે ઢોસા બનાવી રહ્યા છે એનો વિડિયો અનુપમ ખેરે શૅર કર્યો છે. એ વિડિયોમાં ઢોસા બનાવવાની રીત વિશે બન્ને ચર્ચા કરી રહ્યા છે. સેટ પર હાજર લોકોને અનુપમ ખેર શાંત રહેવા કહે છે. ઢોસા બનાવ્યા બાદ સૌ તાળી પાડીને તેમની પ્રશંસા કરે છે. એ વિડિયોમાં અનુરાગ બાસુને તેની દરેક ફિલ્મમાં કામ આપવાની વાત અનુપમ ખેર કરે છે. અનુરાગ બાસુ કહે છે કે તેના હાથે બનાવેલી રસોઈ તેમણે જમવી પડશે, અનુપમ ખેર હા પાડે છે. આ વિડિયોને ઇન્સ્ટાગ્રામ પર શૅર કરીને અનુપમ ખેરે કૅપ્શન આપી હતી, ‘આજ કી તાઝા ખબર : અનુરાગ બાસુએ ‘મેટ્રો ઇન દિનોં’ના સેટ પર અનુપમ ખેર માટે ઈંડા-ઢોસા બનાવ્યા. દેખિયે, સીખિયે, ખાઇયે ઔર મઝે લિજિયે. અનુપમ ખેરે ઈંડા-ઢોસા ખાઈને અનુરાગની ભરપેટ પ્રશંસા કરી. ફિલ્મમાં રોલ પણ સારો આપ્યો અને પ્લેટમાં ઢોસા પણ. જબરદસ્ત. હા...હા...હા... કુછ ભી હો સકતા હૈ. અનુરાગ બાસુ કી જય હો.’