06 May, 2024 08:08 PM IST | Mumbai | Gujarati Mid-day Online Correspondent
સૈફ અલી ખાન, દીપક તિજોરી અને અમૃતા સિંહ
તાજેતરમાં જ દીપક તિજોરી (Deepak Tijori Upset)એ એક નિવેદન આપ્યું હતું અને તેણે કહ્યું હતું કે, શાહરૂખ, સૈફ અલી ખાન, સલમાન જેવા સ્ટાર્સ તેની ફિલ્મ `પહેલા નશા`માં કેમિયો કરવા જઈ રહ્યા છે. તે કેમિયો સીનમાં તમામ સ્ટાર્સને ફિલ્મ પ્રીમિયરમાં હાજરી આપતા બતાવવાના હતા. તાજેતરમાં બહાર આવેલા દીપક તિજોરી (Deepak Tijori Upset)ના નિવેદનમાં કહેવામાં આવ્યું છે કે જ્યારે સૈફ એક કેમિયો શૂટ માટે જઈ રહ્યો હતો ત્યારે તેની પત્ની અમૃતા સિંહે તેને રોક્યો હતો.
એવું કહેવાય છે કે આ કારણે દીપક ખૂબ જ આશ્ચર્યચકિત થઈ ગયો હતો. વર્ષો પહેલાં આ સમાચાર મીડિયામાં આગની જેમ ફેલાઈ ગયા હતા કે તે દિવસોમાં અમૃતા સિંહએ સૈફને અભિનેતાની ફિલ્મમાં કેમિયો કરતા રોક્યા હતા. હવે અભિનેતા (Deepak Tijori Upset)એ તે સમાચારો પર નિરાશા વ્યક્ત કરી છે.
‘મારા શબ્દોને જુદી રીતે કરવામાં આવ્યા’
તેમણે પોતાના નિવેદનમાં કહ્યું છે કે, તેના શબ્દોને વિકૃત કરવામાં આવ્યા છે. આખરે હવે તેણે પોતાના નિવેદન પર સ્પષ્ટતા કરી છે અને પોતાના નિવેદનનો અર્થ સ્પષ્ટ કર્યો છે. દીપકે કહ્યું કે, “હું કંઈક સાફ કરવા માગુ છું. મેં તાજેતરમાં જે કહ્યું તેનું ખોટું અર્થઘટન કરવામાં આવ્યું અને તેને જુદી રીતે રજૂ કરવામાં આવ્યું છે. મને પૂછવામાં આવ્યું કે, ફિલ્મ પહેલ નશાના પ્રીમિયર સીનમાં હું આટલા બધા સ્ટાર્સને એકસાથે કેવી રીતે લાવી શક્યો? આના પર મેં જવાબ આપ્યો, અમે બધા મિત્રો હતા. એટલા માટે અમે બધાએ દરેક શક્ય રીતે એકબીજાને ટેકો આપ્યો.”
અમૃતાએ કહેલી વાતો દીપકે ફરી સંભળાવી
તેમણે આગળ કહ્યું કે, “આ પછી મેં કહ્યું હતું કે, જ્યારે સૈફ તૈયાર થઈ રહ્યો હતો ત્યારે અમૃતાએ તેને પૂછ્યું હતું કે તે ક્યાં જઈ રહ્યો છે? જેના જવાબમાં સૈફે કહ્યું કે તે દીપકની ફિલ્મમાં પ્રીમિયર સીન શૂટ કરવા જઈ રહ્યો છે. તેના પર અમૃતાએ કહ્યું - શું વાત છે, તમારી પેઢીના કલાકારો એકદમ અલગ છે. અમે ક્યારેય એકબીજાને આ રીતે સપોર્ટ કર્યો નથી. તમારી મિત્રતાનો સ્વીકાર કરવો પડશે.”
દીપકે જણાવ્યો તેના નિવેદનનો સાચો અર્થ
તેમણે કહ્યું કે તે તેના નિવેદનનો અર્થ હતો, પરંતુ બધાએ લખ્યું કે અમૃતાએ સૈફને સપોર્ટ કરવાનો ઇનકાર કર્યો હતો. દીપકે કહ્યું કે તે બિલકુલ સાચું નથી.
`લોકોએ તેને આટલી ખરાબ હેડલાઇન બનાવી છે`
અભિનેતાએ કહ્યું કે, “અમૃતા એક સુંદર અને ઉત્સાહી મહિલા છે. તે દરેક એક્ટરને ખૂબ સપોર્ટ કરી રહી છે પરંતુ લોકોએ તેને ખરાબ હેડલાઇન બનાવી છે. જ્યારે હું જાગી ગયો, ત્યારે મેં ક્યારેય ન કહ્યું તે બધી બાબતો વાંચીને મને ખૂબ જ દુઃખ થયું.”