અયોધ્યાના મહંતે શાહરુખને જીવતો સળગાવવાની આપી ધમકી

આ ગીતમાં દીપિકા પાદુકોણે પહેરેલી કેસરી બિકિની વિવાદનું કારણ બની છે

શાહરુખ ખાન

‘પઠાન’ને લઈને હવે અયોધ્યાના મહંત પરમહંસ આચાર્યએ પણ ઝુકાવ્યું છે. તેમણે શાહરુખ ખાનને જીવતો સળગાવવાની ધમકી આપી છે. સાથે જ જે થિયેટરમાં ફિલ્મ રિલીઝ થશે એને પણ આગ લગાવવામાં આવશે. આ ફિલ્મના ‘બેશરમ રંગ’ ગીતને લઈને દેશમાં ખૂબ વિરોધ ચાલી રહ્યો છે. આ ગીતમાં દીપિકા પાદુકોણે પહેરેલી કેસરી બિકિની વિવાદનું કારણ બની છે. હિન્દુ સંગઠનોનું માનવું છે કે તેમની ધાર્મિક લાગણીને ઠેસ લાગી છે. એને કારણે અનેક લોકોએ ગીતને હટાવવાની માગણી પણ કરી છે. હવે તપસ્વી છાવણીના મહંત પરમહંસ આચાર્યએ કહ્યું કે ‘આ ​ફિલ્મને લઈને સનાતન ધર્મના લોકોએ વિરોધ નોંધાવ્યો છે. અમે શાહરુખ ખાનના પોસ્ટરને સળગાવ્યું છે. જો મને જેહાદી શાહરુખ ખાન મળી જાય તો હું તેને જીવતો સળગાવી નાખીશ.’