આથિયા શેટ્ટી અને કેએલ રાહુલે આપ્યા ગુડ ન્યૂઝ! પહેલા બાળકની સોશિયલ મીડિયા પર કરી જાહેરાત

Athiya Shetty and KL Rahul Announces pregnancy: બૉલિવૂડ અભિનેત્રી આથિયા શેટ્ટીએ ગયા વર્ષે ક્રિકેટર કેએલ રાહુલ સાથે લગ્ન કર્યા હતા. આજે આથિયા શેટ્ટી અને કેએલ રાહુલની ગણતરી બૉલિવૂડની સૌથી લોકપ્રિય જોડીમાંના એકમાં થાય છે.

કેએલ રાહુલ અને આથિયા શેટ્ટી અને તેમણે શૅર કરેલી પોસ્ટ (તસવીર: સોશિયલ મીડિયા)

બૉલિવૂડ અભિનેત્રી આથિયા શેટ્ટી અને ક્રિકેટર કે એલ રાહુલે (Athiya Shetty and KL Rahul Announces pregnancy) તેમના ચાહકો સહિત સૌને એક ગૂડ ન્યૂઝ આપ્યા છે. લગ્નના એક વર્ષ બાદ આથિયા શેટ્ટી અને કે એલ રાહુલના ઘરે પારણું બંધાવાનું છે. કપલે તેમના પ્રેગનેન્સીની જાહેરાત સોશિયલ મીડિયા પર કરીને બધાને ચોંકાવી દીધા છે. બૉલિવૂડ અભિનેત્રી આથિયા શેટ્ટીએ ગયા વર્ષે ક્રિકેટર કેએલ રાહુલ સાથે લગ્ન કર્યા હતા. આજે આથિયા શેટ્ટી અને કેએલ રાહુલની ગણતરી બૉલિવૂડની સૌથી લોકપ્રિય જોડીમાંના એકમાં થાય છે. બન્ને સ્ટાર્સ ઘણીવાર સોશિયલ મીડિયા પર એકબીજા પર પ્રેમ વરસાવતી અનેક તસવીરો શૅર કરતાં જોવા મળે છે. હવે સમાચાર સામે આવ્યા છે કે આ કપલ જીવનના આગલા તબક્કા માટે તૈયાર છે અને આ કપલ ટૂંક સમયમાં માતા-પિતા બનવા જઈ રહ્યું છે. આ જાણકારી તેમણે ઈન્સ્ટાગ્રામ પર શૅર કરી હતી.

ક્રિકેટર કે એલ રાહુલે શુક્રવારે આઠમી નવેમ્બરના રોજ ઇન્સ્ટાગ્રામ (Athiya Shetty and KL Rahul Announces pregnancy) પર એક પોસ્ટ શૅર કરી અને તેના ચાહકોને આ ગૂડ ન્યૂઝ આપ્યા છે. સોશિયલ મીડિયા પર શૅર કરેલી આ પોસ્ટમાં રાહુલે લખ્યું `અમારા સુંદર આશીર્વાદ જલદી આવી રહ્યા છે. 2025. યોગાનુયોગ રાહુલના લગ્ન પણ ઑસ્ટ્રેલિયા સામેની ટૅસ્ટ સિરીઝ પહેલા થયા હતા. હવે તેણે ઑસ્ટ્રેલિયા સિરીઝ પહેલા પોતાના પહેલા બાળકના જન્મના ખુશીના સમાચાર પણ આપ્યા છે. સોશિયલ મીડિયા પર જ્યારથી આથિયા અને કેએલ રાહુલે પોસ્ટ શૅર કરી છે, ત્યારથી તેમને સેંકડો લોકોએ તેઓને અભિનંદન આપી રહ્યા છે. આથિયા અને કેએલ રાહુલના આ પોસ્ટ પર તેમના ફૅન્સ સાથે અનેક સલેબ્સે પણ તેમને શુભેચ્છાઓ આપી રહ્યા છે. સેલેબ્સમાં અભિનેત્રી રકુલ પ્રીત સિંહે લખ્યું, `ઓએમજી! અભિનંદન! હું તમારા માટે ખૂબ જ ખુશ છું.` જ્યારે અથિયાનો ભાઈ અહાન શેટ્ટી પણ ખૂબ ભાવુક થઈ ગયો હતો.

આથિયાના પિતા અભિનેતા સુનીલ શેટ્ટી અભિનેત્રી માધુરી દીક્ષિત (Athiya Shetty and KL Rahul Announces pregnancy) આ દિવસોમાં `ડાન્સ દીવાને`ને જજ કરી રહ્યા છે. હાલમાં જ આ શોની હૉસ્ટ ભારતી સિંહે સુનીલને કહ્યું હતું કે સુનીલ સર, તમારી દીકરીને સંતાન થશે, તમે દાદા બનશો. આ સવાલ પર અભિનેતાએ કહ્યું કે હા, જ્યારે હું આગામી સિઝનમાં આવીશ ત્યારે હું નાનાની જેમ સ્ટેજ પર ચાલતો થઈશ. સુનીલના આ જવાબ પછી આથિયાની પ્રેગ્નન્સીના સમાચાર સામે આવ્યા છે. કે એલ રાહુલ અને આથિયા શેટ્ટી અનેક ચેરિટિ વર્ક પણ કરે છે. હાલમાં તેઓએ દેશના અનેક મોટા ક્રિકેટરના સમાનનું ઑક્શન કર્યું હતું જેના પૈસા તેમણે સ્પેશિયલ બાળકો માટે મદદ માટે આપ્યા હતા.