અથિયા શેટ્ટી અને કે. એલ. રાહુલે પાલી હિલમાં વીસ કરોડનો ફ્લૅટ ખરીદ્યો

એની કિંમત અંદાજે વીસ કરોડ રૂપિયા છે, આ અપાર્ટમેન્ટ ૩૩૫૦ સ્ક્વેર ફીટમાં પથરાયેલો છે.

અથિયા શેટ્ટી

અથિયા શેટ્ટી અને તેના ક્રિકેટર હસબન્ડ કે. એલ. રાહુલે બાંદરાના પાલી હિલમાં એક આલીશાન મકાન ખરીદી લીધું છે. એની કિંમત અંદાજે વીસ કરોડ રૂપિયા છે. આ અપાર્ટમેન્ટ ૩૩૫૦ સ્ક્વેર ફીટમાં પથરાયેલો છે. સંધુ પૅલેસ નામના બિલ્ડિંગમાં તેમણે આ ફ્લૅટમાં ઇન્વેસ્ટ કર્યું છે. એ મકાન માટે ૧.૨૦ કરોડ રૂપિયા સ્ટૅમ્પ-ડ્યુટી અને ત્રીસ હજાર રૂપિયા રજિસ્ટ્રેશન માટે ચૂકવવામાં આવશે. ૧૫ જુલાઈએ આ ટ્રાન્ઝૅક્શન કરવામાં આવ્યું હતું. આ મકાનને ચાર કાર-પાર્કિંગની સુવિધા આપવામાં આવી છે. બાંદરામાં અનેક બૉલીવુડ સેલિબ્રિટીઝની પ્રૉપર્ટીઝ આવેલી છે. અહીં શાહરુખ ખાન, સલમાન ખાન, કરીના કપૂર ખાન અને જાહ્‌નવી કપૂરનાં શાનદાર મકાન આવેલાં છે.