Kuttey Trailer: `સબકે સબ કુત્તે હૈ સાલે!` આવું કહ્યું અર્જુન કપૂરે, જુઓ

ફિલ્મ એક ડાર્ક થ્રિલર લાગે છે, જેમાં દમદાર ડાયલૉગ અને કૉમેડીનો ભરુર ડોઝ જોવા મળશે. 

કુત્તે ફિલ્મનું ટ્રેલર રિલીઝ

`સબકે સબ કુત્તે હૈ સાલે!` અરે... આવું બોલી રહ્યાં છે અર્જુન કપૂર (Arjun Kapoor)પોતાની આગામી ફિલ્મ `કુત્તે` (Kuttey)માં. `કુત્તે` ફિલ્મનું શાનદાર ટ્રેલર લૉન્ચ થઈ ગયું છે. રોમાંચ અને ઈન્ટેન્સથી ભરપુર આ ફિલ્મમાં ડાર્ક હ્યુમર પણ ભરપુર છે. ડાયરેક્ટર આકાશ ભારદ્વાજની ડેબ્યુ ફિલ્મ `કુત્તે` માં તબ્બુના અલગ અંદાજને જોઈને તેના ફેન થઈ જશો. ફિલ્મમાં અર્જુન કપૂર અને તબ્બુને રામાંચ અવતાર સાથે કોંકણા સેન શર્મા, કુમુદ મિશ્રા, રાધિકા મદાન અને નસીરુદ્દીન શાહ પણ જોવા મળશે. આ તમામ કલાકારો એ વાતની પુષ્ટી કરે છે કે ફિલ્મમાં એક્ટિંગનુ પલડું ભારે હશે. 

`કુત્તે`નું ટ્રેલર અઢી મિનિટથી પણ લાંબુ છે અને આ ટ્રેલરમાં ફિલ્મની જે ઝલક જોવા મળી રહી છે તે એક દમદાર ફિલ્મની ગેરેન્ટી આપે છે. ફિલ્મ એક ડાર્ક થ્રિલર લાગે છે, જેમાં દમદાર ડાયલૉગ અને કૉમેડીનો ભરુર ડોઝ જોવા મળશે. 

ટ્રેલરમાં જોઈ શકાય છે કે `કુત્તે`ની કહાની પોલીસ અને નેતાઓના ભ્રષ્ટાચારની આસપાસ ફરે છે. આ જુગલબંધીનું થિયેટર એક નક્સલી વિસ્તારમાં લાગી રહ્યું છે. કોંકણા ફિલ્મમાં નક્સલી લીડરના રોલમાં જોવા મળી રહી છે. ફિલ્મમાં અનુરાગ કશ્યપ પણ નજરે ચઢે છે, જે કોઈ રાજકીય નેતાના રોલમાં છે. નસીરુદ્દીન શાહનો રોલ કોઈ ગેંગસ્ટર જેવો લાગી રહ્યો છે, જે આ આખી રમતમાં પોતાના ફાયદા પર જ નજર રાખીને બેઠો હોય છે. 

આ પણ વાંચો:શાહરુખ ખાન જો હિન્દુ હોત તો કેવા હોત? જાણો કિંગ ખાનનો જવાબ

તબ્બુ, અર્જુન કપૂર અને કુમુદ મિશ્રા પોલીસની ભૂમિકામાં છે. ટ્રેલર મુજબ લાગે છે કે તબ્બુ કોઈ સિનિયર પોલીસ ઓફિસર છે. પરંતુ કહાનીમાં કનફ્લિક્ટનું લેવેલ એ પણ હોય શકે છે કે કદાચ તબ્બુ અને અર્જુન કપૂર બંને અલગ અલગ ટીમને લીજ કરતા હોય. 

આ બધાની વચ્ચે રાધિકા અને શાર્દુલ એક કપલના રોલમાં જોવા મળી રહ્યાં છે, જેને આ નેક્સેસના કોઈ પ્લાન વિશે ખબર પડી જાય છે. આ આખો ખેલ નસીરુદ્દિનનો હોય તેવું લાગે છે.