આર્યન ખાન શું ધમકી આપતો હતો અનન્યા પાંડેને?

તાજેતરમાં આપેલા ઇન્ટરવ્યુમાં અનન્યા પાંડેએ પોતાના જૂના દિવસો યાદ કર્યા હતા અને તેણે એ વખતે બનાવેલા વ્લૉગ્સ વિશે વાત કરી હતી જે તેણે ક્યારેય અપલોડ નથી કર્યા.

અનન્યા પાંડે અને આર્યન ખાન

ચંકી પાંડેની દીકરી અનન્યા પાંડે અને શાહરુખ ખાનનો દીકરો આર્યન ખાન એકબીજાને નાનપણથી ઓળખે છે. તાજેતરમાં આપેલા ઇન્ટરવ્યુમાં અનન્યા પાંડેએ પોતાના જૂના દિવસો યાદ કર્યા હતા અને તેણે એ વખતે બનાવેલા વ્લૉગ્સ વિશે વાત કરી હતી જે તેણે ક્યારેય અપલોડ નથી કર્યા. 

નેટફ્લિક્સની યુટ્યુબ વિડિયો ચૅનલ પર શૅર કરેલા વિડિયોમાં અનન્યા પાંડે કહે છે કે ‘હું ત્યારે મારા આખા દિવસનું વર્ક, હું શું ખાઉં છું, વગેરે રેકૉર્ડ કરતી પરંતુ એ ક્યાંય પોસ્ટ નથી કર્યું. એ મારી પાસે છે. એ વખતે ઍપલમાં ‘ફોટો બૂથ’ ઍપ્લિકેશન નવી આવી હતી. અને હું, સુહાના (ખાન) અને શનાયા (કપૂર) મોટા ભાગે આ બધું રેકૉર્ડ કરતાં અને આર્યન અમને ધમકાવતો કે જો અમે તેનું કામ નહીં કરીએ તો તે આ વિડિયોઝ લીક કરી દેશે.’