૨૭ જૂને થશે રિલીઝ કલ્કિ 2898 AD

આ ફિલ્મ આ વર્ષે ૨૭ જૂને થિયેટરમાં રિલીઝ થશે. થોડા સમય પહેલાં આ ફિલ્મના અમિતાભ બચ્ચનના કૅરૅક્ટર પરથી પડદો ઉઠાવવામાં આવ્યો હતો

કલ્કિ 2898 AD

અમિતાભ બચ્ચનની આગામી ફિલ્મ ‘કલ્કિ 2898 AD’ની રિલીઝની તારીખ ગઈ કાલે અનાઉન્સ કરવામાં આવી છે. આ ફિલ્મ આ વર્ષે ૨૭ જૂને થિયેટરમાં રિલીઝ થશે. થોડા સમય પહેલાં આ ફિલ્મના અમિતાભ બચ્ચનના કૅરૅક્ટર પરથી પડદો ઉઠાવવામાં આવ્યો હતો. આ ફિલ્મમાં તેઓ અશ્વત્થામાના રોલમાં દેખાશે. ફિલ્મમાં તેમની સાથે પ્રભાસ, દીપિકા પાદુકોણ, દિશા પાટણી અને કમલ હાસન પણ જોવા મળશે. ફિલ્મને લઈને લોકોમાં ખૂબ ઉત્સુકતા છે. ​ફિલ્મની રિલીઝ-ડેટની જાહેરાત કરતાં ઇન્સ્ટાગ્રામ પર અમિતાભ બચ્ચને કૅપ્શન આપી હતી, ઉજ્જ્વળ ભવિષ્ય માટે તમામ તાકાત ૨૦૨૪ની ૨૭ જૂને એકઠી થવાની છે.